Mundua -
Omenaldia
Frantziak Nizako atentatuko biktimak oroitu ditu
Uztailaren 14ko erasoaren ondorioz, 86 lagun hil eta 400 baino gehiago zauritu ziren.
Agentziak | Erredakzioa
François Hollande Frantziako presidenteak uztailaren 14an Nizan izandako atentatuko biktimak oroitu ditu: 86 pertsona hil eta 400 baino gehiago zauritu ziren. 31 urteko tunisiar batek, Mohamed Lahouaiej B. eta Estatu Islamikoaren jarraitzailea, Ingelesen Lautadan su artifizialak ikusten ari ziren hiritarrak harrapatu zituen kamioi batekin.
"Ospakizuna infernu bilakatu zen egun hartan", adierazi du Frantziako presidenteak omenaldian, biktimen senideen eta lagunen aurrean. Ekitaldi pribatua izan da, biktimen ohorez Nizan egindako monumentuaren inguruan.
"Basakeria horren biktimak ez zuten iragan, historia edo azaleko kolore berdina, baina bai helburu bera: aske bizi nahi zuten", gaineratu du Hollandek.