Haurren sexu gehiegikerien eskandaluak baliteke 98 klubi eragitea

Erresuma Batuko Poliziak azaldu duenez, 83 pertsona susmagarri identifikatu ditu, eta baliteke 98 klubekin (Premier Leagueko batzuk tartean) 70eko hamarkadako futbol klubetan izan ziren haurren sexu gehiegikerietan lotura izatea.

Herrialde osoko poliziek ikerketa bat abiarazi dute, Andy Woodward jokalari ohiak Crewe Alexandra gazte taldean entrenatzaileak gehiegikeriak egin zizkiola jakinarazi ostean. Kontaketa horren berri izan ostean, beste profesional ohi batzuek ere akusazioak aurkeztu dituzte.

Polizia Buruzagitzako Batzorde Nazionalak jakinarazi duenez, 639 erreferentzia egin dizkiete agenteei, Haurrei Krudelkeria Saihesteko Sozietate Nazionaleko elkartasunak sortutako ildoan. 350 biktima daude bertan.

“Azkar ari gara jarduten jasotako salaketekin. Futbol elkarteekin ere elkarlanean gaude, haiek duten informazio guztia jasotzeko, ikerketan aurrera egiteko asmoz”, adierazi du Simon Bailey poliziaburuak.

Jokalari ohien kontaketek harritu egin dute Erresuma Batua, arazoa zenbaterainokoa den galdetuz, zenbat zekiten klubek eta futbol munduko partaideek, eta ea ezkutatzen saiatu ote ziren.