Mundua -
Tiroketa Suitzan
Hiru zauritu Zurichen, zentro islamiar batean izandako tiroketan
Erasoaren egileak ihes egin du, baina agenteak berehala hasi dira bere bila eta ikerketa zabalik daukate.
Agentziak | Erredakzioa
Gutxienez hiru pertsona zauritu dira astelehen arratsaldean Zurichen (Suitza), hiriko zentro islamiar batean izandako tiroketan, Blick egunkariak jakinarazi duenez.
Hiriko geltoki nagusitik hurbil dagoen zentro islamiar baten inguruan izan da tiroketa, eta eremua inguratu egin dute, poliziaren esanetan.
Antza denez, ihes egitea lortu duen 30 urteko gizon bat izan da erasoaren egilea, baina agenteak berehala hasi dira horren bila eta ikerketa zabalik daukate.
Hiru zaurituek 30 eta 50 urte bitartean dituzte. Horietako bi larri zaurituta eraman dituzte ospitalera.
Poliziak jakinarazi duenez, erasoaren susmagarriak ihes egin du, baina tiroketa izan den tokitik gertu dagoen zubi batean gorpu bat aurkitu dute. Oraindik ez dute argitu loturarik duen zentro islamiar batean izandako tiroketan.