Mundua -
AEB
'Facebookeko hiltzailea'k bere buruaz beste egin du
Steve Stephens-ek zoriz hautatutako gizon bat hil zuen igandean, tiro batez, eta hilketaren bideoa Facebookera igo zuen.
AGENTZIAK | ERREDAKZIOA
'Facebookeko hiltzailea' delakoak bere buruaz beste egin du Pennsylvanian (AEB), polizia jazarpen baten ostean.
Steve Stephens-ek zoriz hautatutako gizon bat hil zuen igandean Clevelanden (Ohio), tiro batez, eta hilketaren bideoa Facebookera igo zuen.
Gaur, hilda topatu dute haren autoan, bala zauri batekin.
Segurtasun Indarrak haren atzetik zeuden igandetik, hilketa gehiago egingo zituen beldur.
"Steve Stephens gaur goizean ikusi dute Pennsylvaniako estatuko poliziek Erie konderrian. Polizia jazarpen labur baten ostean, Stephensek bere buruaz beste egin du, tiro batez”, azaldu du Poliziak Twitterren.
