Mundua -
Tiroak bota dituzte
Hildako gehiago Venezuelako protestatan
Fiskaltza eta oposizioa ez datoz bat azken orduetan izan diren hildako kopuruari dagokionez; Ministerio Publikoaren arabera pertsona bat hil da, oposizioaren esanetan, aldiz, bi.
agentziak | erredakzioa
Venezuelako Fiskaltzak eta Herriaren Defentsoriak gaur, asteartea, adierazi dutenez, gazte bat hil dute Tachira estatuan izan den manifestazio batean; oposizioak, aldiz, bi pertsona hil dituztela adierazi du, biak poliziek botatako tiroengatik.
"Tachirako Fiskaltzaren Batzordea Jose Alviarez (18) gaztearen heriotza, Palmirako manifestazio batean, ikertzeko", zabaldu du Ministerio Publikoak Twitterren duen kontuaren bidez.
Halaber, Tarek William Saab herriaren defendatzaileak esan duenez, "Luis Alviarezen krimen tamalgarriaren ostean, gaur, Palmira Tachiran: gobernatzailearekin harremanetan jarri gara".
Saaben esanetan, gobernatzaileari eta "gainerako agintariei" "gertaera lazgarri horren ikerketa sakona egitea" eskatu diete, "egia argitzeko".
Patricia Gutierrez San Cristobal udalerriko alkateak, aldiz, salatu du bi izan direla hildako gazteak.
