Mundua -

Venezuela

Atxilotutako 40 venezuelar askatu dituzte, horien artean hiru diputatu

Aske utzi dituzten diputatuak Gilber Caro eta Renzo Prieto (Herri-Borondate alderdikoak) eta Wilmer Azuaje (Lehendabizi Justizia alderdikoa) dira.

Senideak, pozik Caracasen, presoak askatu dituztelako. Argazkia: EFE
Senideak, pozik Caracasen, presoak askatu dituztelako. Argazkia: EFE
Senideak, pozik Caracasen, presoak askatu dituztelako. Argazkia: EFE

AGENTZIAK | ERREDAKZIOA

Whatsapp Facebook Twitter Telegram Email

Delcy Rodriguez Venezuelako Asanblea Konstituziogileko Egiaren Batzordeko presidenteak larunbat honetan iragarri duenez, "indarkeria politikoa" egotzita azken urteetan atxilotutako 40 lagun aske utzi dituzte. Espetxetik ateratako pertsona horien artean hori diputatu daude.

"Bakearen eta eztabaidaren alde, Nicolas Maduro presidenteak eskatutako neurrien betetzea erraztu izana" eskertu die Rodriguezek Maikel Moreko Justizia Auzitegi Goreneko presidenteari eta Tarek Saab fiskalari. Dena dela, Rodriguezek ez ditu neurri horiek argitu.

Bestalde, Pedro Pablo Fernandez Copei alderdiko buruzagiak Twitter bidez zehaztu duenez, neurri horiei esker "40 lagun" aske geratu dira, horien artean, hiru diputatu: Gilber Caro eta Renzo Prieto (Herri-Borondate alderdikoak) eta Wilmer Azuaje (Lehendabizi Justizia alderdikoa).

Askatutako Saab eta Fernandez presoekin, eta Antonio Barreto Sira Anzoategui estatuko gobernadorearekin egin du agerraldia Delcy Rodriguezek, eta aske utzitako horiei "konpromisoa" eskatu die, "indarkeria politikoa, gorrotoa eta intolerantzia alde batera uzteko, bide bakarra borroka politiko baketsua eta demokratikoa baita".

Ostiral honetan beste 39 lagun askatuko zituztela iragarri zuen Venezuelako Gobernuak, oposizioarekin elkarrizketa politiko berria abiatu nahi duelako, "bakearen alde", maiatzaren 20ko hauteskundeetako emaitzen ostean, Nicolas Maduroren agintaldia 2025era arte luzatuko dela ikusita.

Hau zure interesekoa bada, baliteke beste gai hauek ere izatea