Mundua -
Lege aldaketa
Indian, bertan behera utzi dute homosexualitatearen inguruko legea
Sexu bereko pertsonen arteko harremanak kartzela-zigorrarekin kriminalizatzen zuen 2013ko epaia bertan behera utzi du Indiako Auzitegi Gorenak.
Agentziak | Erredakzioa
Indiako Auzitegi Gorenak homosexualitatearen inguruko legea berriro bertan behera uztea erabaki du ostegun honetan, sexu bereko pertsonen arteko harremanak kartzela-zigorrarekin kriminalizatzen zuen 2013ko epaia baliogabetu baitu.
Indiako Auzitegi Goreneko bost epaileek aho batez hartu dute 377. artikulua bertan behera uzteko erabakia, eta hortaz, harreman homosexualak zigortzen zuen legea baliogabetu dute.
"377. artikulua arbitrarioa da. LGTB (lesbiana, gay, transexual eta bisexual) komunitateko pertsonek gainerako lagunen eskubide berberak dituzte. Gehiengoaren ikuspegia eta moraltasuna ezin dute eskubide konstituzionalak zuzendu", esan du Indiako Auzitegi Goreneko epaileetako batek epaia irakurtzean.
LGTB komunitateko kideek pozik hartu dute epaia. Argazkia: EFE.