Mundua -
AEB
Sei urteko haur batek tiro egin dio irakasleari eta larri zauritu du AEBetan
Haurra atxilotuta dago, eta poliziak jakinarazi du ez dela inor gehiago zauritu.
agentziak | eitb media
Sei urteko haur batek tiro egin dio irakasleari eta larri zauritu du AEBetako Virginia estatuko eskola batean, bertako poliziak jakitera eman duenez.
"Irakaslearen bizitza arriskuan dagoela uste dugu. Ikerketak irekita jarraitzen du", adierazi du agiri batean bertako poliziak.
Horrez gain, jakinarazi du ez dela ikaslerik zauritu, eta erasoa ikasgela bakarrean gertatu dela.
Dena den, oraindik ez dute xehetasun gehiagorik eman, soilik sei urteko haurra atxilotuta dagoela.