18:07

eguraldia

Eguraldiaren iragarpena

Elurrari dagokion abisu horia ezarri dute gauerdira arte

AGENTZIAK | ERREDAKZIOA

Igandean elur-maila 700-900 metroan kokatuko da eta egunaren amaieran 600 metrora ere elurra egin dezake. Gainera, ekaitza eta txingorra egiteko arriskua handia da.

2:15
  • Whatsapp
  • Whatsapp
  • telegram
  • Bidali

Berokiak eta aterkiak armairutik ateratzeko ordua heldu da. Aire-masa hotz bat iritsi da larunbat goizaldean Euskal Herrira, eta tenperaturak bat-batean jaitsi dira, batez ere, Kantauri itsasoaren ertzean. Hotzaz gain, eurite gogorrak iritsi dira.

Larunbat eguerdian elurrari dagokion abisu horia ezarri du Eusko Jaurlaritzako Segurtasun Sailak, eta asteleheneko 00:00ak arte egongo da indarrean.

Bestalde, itsasaldeko arriskuari dagokion abisu horia larunbat gauerditik igande gauerdira arte egongo da indarrean. Itsasoa zakar ibiliko da, eta 3,5-4 metrorainoko olatuak espero dira.

Igandean ere, ia egun osoan zehar euri asko egingo du, eta txingorra eta ekaitza ere iragarri dituzte. Iluntze aldera, zerbait atertuko du. Elur-maila 600 metrora jaitsiko da.

Astelehenerako, berriz, euri gutxiago iragarri dute adituek, baina egunaren hasieran 500 metroan egin dezake elurra.

Iruzkinak

  • Publizitatea

    Bisitatuena

      Kargatzen ikusiena
      Kargatzen ikusiena