Elurra

azken orduotan egoerak hobera egin du eta elur-kota nabarmen igo da. Hala ere, Nafarroako eta Arabako puntu askotan elurrak protagonista nagusia izaten jarraitzen du.

Jende askorentzat atzo botatako elurraz gozatzea izan da igandeko plana. Leku garaienak jendez bete dira, besteak beste, Urkiola gaina. Bertan, ondo pasatzeko gogoa ez da falta izan.

Ikusgarri. Zumarragan goizean bota duen elurtea. Legazpi ere, zuri ikusi dugu. Eta barneko herriak ere bai. Kostan ordea, elurrik ez. Haizea eta hotza bai, ostera. 8 gradutan dute goia termometroek. Errepidean ere, egoera lasaia da baina kontuz ibilitzeko gomendioa bere horretan dago

Apirilean egon arren elurra bota eta bota ari du Gasteizen. Gauean eta goizean goiz pilatu da elurra kaleetan eta eguerdi aldera gasteiztar asko irten dira Mendizabala eta Armentiako zelaietara elurraz gozatzera. Ez dira harritzen udaberrian elurra etortzeaz aurten berandu iritsi bada ere.

Metro erdiko elur geruza egin da leku askotan, baina errepide nagusiak zabalik daude. Elurra kentzeko 65 makina ari dira lanean Nafarroa osoan.

Elurrak Euskal Herriko bazter anitz zuritu ditu, eta horren lekuko izan dira eitb.eus-eko erabiltzaileak. Hona hemen Irimo menditik Aitor Agirrezabalek drone bidez grabatutako irudiak.

Irekita egon da azken orduetan Azazeta. Ez ordea Altube, Elosua, Herrera, Opakua eta Urduña mendateak.

Elurraren ondorioz, Korrikaren furgoneta aurrera egin ezinda geratu da. Jendearen laguntzari esker, bere bideari ekin dio, berriro. Ipe Lizarragaren irudiak.

Euskararen aldeko lasterketak elurra kentzeko makinen laguntza behar izan du. Furgoneta aurretik ibili da bidea garbitzen. Amado Lopez de Ipiñak grabatutako irudiak.

Elurrak ez du etenik izan atzotik, ilundu denetik. Arabako udalerri anitz zuritu ditu, besteak beste, Samaniego. Amaia Larreak grabatutako bideoa. 

Udaberriko elurra 200 metrora iritsi da eta paisaia zuriz tindatu du gure geografiako hainbat tokitan.

Itxita egon da Nafarroa eta Gipuzkoa arteko errepidea, elurragatik, baina makinak lanean egon ondoren, berriz ireki dute.

Elurrak neguko ohiko irudia utzi du Opakuako mendatean (Araba), 1.020 metrora. Zuriz estalita dago, eta kateak beharrezkoak dira ibilgailuentzat.

Goizeko lehen elurrak zuritu egin du Iruñeko Alde Zaharra. Gaztelu plaza zuri-zuri utzi du goizean elurrak.

Elurra mara-mara bota du goizaldean Iruñeko Alde Zaharrean eta teilatuak zuritu dira.

Negu giroa itzuli da Euskal Herrira, eta barnealdean elurra bota du. Iruñeko kaleak berriz zuriz esnatu dira ostiral goizean.

Andoni Aizpuru Eguraldia saioko aurkezleak azaldu digu biharko elur asko dagoela aurreikusita apirila izateko, baina udaberrian tarteka eguraldi aldaketa horiek gertatzen direla.

Estatu Batuetako ipar ekialdea zurituta gelditu da. 'Bonbogenesia' deitu diote adituek azken urteotako ekaitzik gogorrenari. Hamarestatu kolpatu ditu eta elurra ez ezik, urakan itxurako haizea eragin du. Milaka hegaldi bertan behera geratu dira baina elurraz gozatzeko aukera ere utzi du denboraleak.

Jerusalem hamabost zentimetro baino gehiagoko elur geruza batekin estalita esnatu da, Elpida ekaitzak eragindako elurte handi baten ondoren. Elurte horren ondorioz, hiriko ia sarbide guztiak itxi behar izan dituzte eta garraio publikoaren zati handi bat bertan behera utzi dute.

Istanbulgo aireportuaren jarduerak bertan behera geratu ziren atzo, printzipioz ordu gutxi batzuetarako, baina itxiera luzatu egin behar izan dute. Oraingoz, auto pribatuen trafikoa ere debekatuta dago.