Gaztea

Musika

Emoaren itzulera: My Chemical Romance, Paramore eta Avril Lavigne, When We Were Young jaialdian

B. F | EITB Media

2000ko hamarkadan nazioarteko arrakasta izan zuten emo-pop taldeak bilduko ditu festibalak. Urriaren 22an izango da, Las Vegasen.

  • Paramore

    Paramore. Argazkia: @lindseybyrnes

When We Were Young festibalaren lehen edizioak 2000ko hamarkadako emo-pop talde ezagunenak bilduko ditu, 2022ko urriaren 22an Las Vegasen (AEB) egingo den jaialdi erraldoian. My Chemical Romance eta Paramore dira kartelburuak, baina ez izen garrantzitsu bakarrak: Avril Lavigne, Bright Eyes, Wolf Alice eta AFI taldeak ere bertan izango dira, beste askoren artean.

Jaialdiaren izaera nostalgikotik haratago, TikToken ezagun egun diren pop-punk taldeei ere aukera emango die When We Were Youngek. Bertan izango dira Meet Me @ the Altar, Lil Huddy eta Nessa Barrett, besteak beste.

Jaialdiko kartela

Jaialdiko kartela

Sarrerak abenduaren 21ean jarriko dituzte salgai, hemen.

Sareetako oihartzuna

Belaunaldi oso baten soinu bandako taldeak diren heinean, kartelaren iragarpenak hautsak harrotu ditu sare sozialetan. Gonbidatuak zeintzuk izango diren ezagutzera eman ostean, emo estetikaren inguruko memeek Twitter hartu dute.