EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

21:54

EAE-ko Hauteskundeak 2020

Emaitzak

EAJk berriro irabazi du Araban, 8 eserlekurekin; PP bigarren, 5ekin

Agentziak | Erredakzioa

EH Bilduk bat galdu du, eta 5 lortu ditu, PPk bezala. Elkarrekin Podemos alderdiak 4 erdietsi ditu, eta PSE-EEk, 3. Ciudadanosek ez du eserlekurik izango.

  • Whatsapp
  • Whatsapp
  • telegram
  • Bidali

EAJk irabazi ditu hauteskundeak Araban, 2012an baino eserleku bat gehiagorekin; PPk bigarren postua berreskuratu du, 5 eserlekurekin, eta EH Bildu da hirugarren indarra, 5ekin.

EAJk 2012an lortutako garaipena berretsi du 2016ko hauteskunde hauetan, eta 8 eserleku izango ditu, duela lau urte baino bat gehiago.

PPk aurretik zituen 5 eserlekuei eutsi die, eta EH Bilduk ere 5 izango ditu; koalizio abertzaleak, beraz, eserleku bat galdu du.

Elkarrekin Podemos laugarren indarra da Araban, bere lehen hauteskunde autonomikoetan, 4 legebiltzarkiderekin; PSE-EEk 6 zituen aurretik, baina erdiak galdu ditu, eta, ondorioz, 3 izango ditu orain.

Ciudadanosek ez du eserlekurik lortu.

EAJk Gasteizen ere irabazi du; PP bigarren indarra da, eta PSE-EE bosgarrena

Arabako hiriburuan, EAJk irabazi ditu hauteskundeak, eta PP izan da bigarren. 2012ko hauteskundeetan, PSE-EEk lortu zuen bigarren postua, baina orain bosgarren tokian geratu da.

EAJk 27.681 boto (botoen % 25,01) lortu ditu Gasteizen. Duela lau urte, 1.884 boto eta 2,5 puntu gutxiago eskuratu zituen.

PPk lortu du bigarren postua, ehunekotan lortutako emaitzak hobetuta: botoen % 20,97 lortu zituen 2012an, eta botoen % 21,09 lortu ditu orain. Guztira, 23.335 boto jaso ditu hauteskunde hauetan. Duela lau urte, hirugarren indarra izan zen, baina orain bigarren postuan kokatu da.

PSE-EEk botoen % 14,47 eskuratu ditu orain, eta botoen % 21,7 izan zituen 2012an. Guztira, 16.013 boto jaso ditu: duela lau urte baino 8.743 boto gutxiago.

Elkarrekin Podemosek hirugarren postua lortu du (botoen % 17,08, 18.899 boto), eta EH Bildu izan da laugarren, duela lau urte bezala; hala ere, EH Bilduk behera egin du, boto gutxiago jaso baitu, baita ehunekotan ere. Hala, ia 5.000 boto eta ia lau puntu galdu ditu.

ntu galdu ditu.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena