PP

La Toja-Lotura Atlantikoa Foroan egindako hitzaldian PPko presidenteak azaldu duenez, "Gobernu-Presidentetzarako hautagai batek ezin ditu Zuzenbide Estatutik kanpo dauden baldintzak onartu".

Espainiako Gobernuko jarduneko presidente eta PSOEren hautagaiak salatu du Feijook (PP) denbora galdu besterik ez duela egin inbestidura saioarekin.

PPko hautagaiak ez du inbestidura lortu oraingoan ere. Gehiengo sinplea behar zuen, baina kontrako boto gehiago jaso ditu (177) aldekoak baino (172). Juntseko diputatu batek baiezko botoa eman du akats baten ondorioz.

"Ezin da errefusatu inoiz lortuko ez dena. Zuk ezin diezu gure botoei uko egin, ez dituzulako inoiz izango "esan dio Oskar Matutek Alberto Nuñez Feijoori.

Alberto Nuñez Feijoo PPko buruak Pedro Sanchezi eskatu dio ez dezala ezkutatu eta argi eta garbi esan dezala Kongresuko tribunan ERCk eta JxCatek eskatzen duten amnistia eta autodeterminazio erreferenduma onartuko dituen ala ez.

Cuca Gamarra PPk Kongresuan duen bozeramaileak adierazi duenez, "Sanchez jauna bere isiltasunarekin agerian geratu da, ez baita ausartzen Ganbera honetan aurpegia ematera eta bere interes pertsonala lortzearren Espainia saltzen ari dela onartzera".

Pedro Sanchez jardunean dagoen presidenteak ez du hitza hartu Alberto Nuñez Feijooren inbestidura saioan, PSOEren txanda iritsi denean. Popularren haserrea eragin du horrek, eta diputatu guztiak altxatu eta oihuka hasi dira: "Koldarra, koldarra".

Oscar Puente Valladolideko alkate ohi eta PSOEko diputatuak adierazi duenez, "hunkigarria" izan da bi hilabetez Feijoo hauteskundeetako irabazleari Gobernua osatzen uztea eskatzen entzutea, PPk ez baitu "errespetu" bera izan hautagai sozialistekiko.

Feijook defendatu du beharrezkoa dela independentzia judiziala bermatzea eta Botere Judizialaren Kontseilu Nagusian politikaririk ez egotea, eta Estatuko Fiskaltza Nagusiaren independentzia bermatzearen eta Botere Betearazlearen eta Judizialaren arteko ate birakariekin amaitzearen alde agertu da.

Nuñez Feijook argi utzi du "Konstituziotik kanpo ez dagoela demokraziarik", eta azpimarratu du espainiar gehienek ez zutela babestu uztailaren 23an amnistia eta autodeterminazioa jasotzen zituen hauteskunde programarik.

PPk amnistiaren aurka Madrilen egin duen ekitaldian, alderdiko buruak politikariak "legearen aurrean berdinak" izatea aldarrikatu du.

Kataluniako prozesuaren auzipetuei ustez Espainiako Gobernuak eman nahi dien amnistiaren aurkako ekitaldia antolatu du PPk gaurko Madrilen, eta han ere izan da Carlos Iturgaiz Euskadiko PPko presidentea.

Alderdi Popularreko diputatu guztiek ez dute itzulpen zerbitzua erabili Joseba Agirretxea jeltzaleak euskarazko hitzaldia egin duen bitartean. Borja Semper PPko diputatuak, bestalde, Kongresuan euskara erabiltzea saihestu du gaur.

Atzo gazteleraz hitz egingo zuela eta ez zuela "ergelarena" edo "gauza arrarorik" egingo esan ostean, Borja Semper PPko diputatuak euskaraz hitz egin du Kongresuko osoko bilkuran. Hala ere, bere alderdikideek ez dute itzultzailea entzuteko gailua erabili.

Aitor Esteban eta Cuca Gamarra, EAJren eta PPren eledunak Kongresuan, hurrenez hurren, arratsaldean bildu dira. Buruzagi jeltzaleak berretsi dio Vox tartean bada, ez dutela Feijoo babestuko. Gamarrak, bere aldetik, esan du euren proposamena euskal herritarrentzat "onugaragarria" dela.

Euskara, katalana eta galegoa erabili ahal izango dira bihar Diputatuen Kongresuan. Gaiari buruz galdetuta, Borja Semper PPko eledunak ziurtatu du diputatu popularrek gaztelaniaz hitz egingo dutela, "espainiar guztiek uler ditzaten".

Aitor Esteban EAJk Kongresuan duen bozeramaileak "Egun on, Euskadi" saioan iragarri duenez, "segur aski ostegunean" bilduko da Cuca Gamarra PPren Kongresuko bozeramailearekin, Alberto Nuñez Feijoo PPren presidentegaiaren inbestidurari jeltzaleek iragarritako ezezkoaren berri emateko.

Alberto Nuñez Feijoo PPko buruak eskertu egin du Voxek baldintzarik gabe emandako babesa, eta ziurtatu du bi "bide" daudela: alderdi nazionalen arteko akordio bat "berdintasunaren, demokraziaren edo botereen banaketaren alde", edo hauteskundeak errepikatzea.

Esperanza Pastor Facebookeko irudi batean azaldu da bandera frankistarekin. PPk eta Voxek osatutako Gobernuak izendatu du, eta PSOEk eta Sumarrek osatutako oposizioak horren dimisioa eskatu du dagoeneko. Aragoiko Ehiza zuzendariari ere espedientea irekiko diote arrazoi bera tarteko.