EAE-ko Hauteskundeak 2024 -
Apirilak 5
Equo Berdeaken oinarriek Elkarrekin Podemos koalizioan aurkeztea babestu dute
Hauteskundeetara Podemosekin eta Ezker Anitzarekin batera aurkeztearen alde egin du berriz ere alderdi berdearen militantziak.
AGENTZIAK | ERREDAKZIOA
Equo Berdeaken oinarriek apirilaren 5eko hauteskunde autonomikoetara Elkarrekin Podemos koalizioaren baitan aurkeztea babestu dute. 2016ko hauteskundeetan ere batera aurkeztu ziren Podemos, Ezker Anitza eta Equo.
Agiri batean azaldu dutenez, joan den igandeko batzarrean erabaki zuten galdeketa egitea eta gaur goizean amaitu da kontsultan parte hartzeko aukera.
"Gehiengo zabalak" Elkarrekin Podemos koalizioaren formula errepikatzearen alde egin duela erantsi dute.
Bestalde, orain primarioak egingo dituzte Equoren Legebiltzarrerako hautagaia aukeratzeko. Amaitu berri den legealdian Jose Ramon Becerra izan da berdeen ordezkaria Gasteizko Ganberan.
Barne-hauteskundeetako kanpaina otsailaren 23ra arte luzatuko da, ondoren bozketa etorriko da eta emaitzak hilaren 29an ezagutaraziko dituzte.
