EAE-ko Hauteskundeak 2024 -

Ultraeskuinaren mitina

Bi pertsonaren aurkako espedientea zabaldu dute Voxen ekitaldia amaitu ostean, Irunen

Eusko Jaurlaritzako Segurtasun Saileko iturriek baieztatu dutenez, zenbait edukiontzi gurutzatu eta ertzainen aurka objektuak jaurti dituzte.

Vox ultraeskuineko alderdiaren mitina Irunen (Gipuzkoa). Argazkia: EFE
Vox ultraeskuineko alderdiaren mitina Irunen (Gipuzkoa). Argazkia: EFE
Tentsio uneak errepikatu dira ultraeskuinaren ekitaldian, Irunen

3:12

Agentziak | Erredakzioa

Whatsapp Facebook Twitter Telegram Email

Ordena publikoa asaldatzea egotzita bi pertsonaren aurkako espedientea zabaldu du Ertzaintzak Irunen (Gipuzkoa). Bertako kaleetan istiluak izan dira, Santiago Abascal Vox ultraeskuineko alderdiaren presidenteak hitzaldia eman ondoren. Aldez aurretik, Voxen aurkako manifestazio bat debekatu dute.

Eusko Jaurlaritzako Segurtasun Saileko iturriek baieztatu dutenez, zenbait edukiontzi gurutzatu eta ertzainen aurka objektuak jaurti dituzte.

"Hauteskunde delitua" leporatuz Iñigo Urkullu lehendakariaren aurkako salaketa aurkeztuko duela iragarri du Santiago Abascal Voxeko presidenteak Irungo mitinean. Tentsioa, irainak eta oihuak nagusi izan dira berriro, nahiz eta Ertzaintzak dispositibo zabala prestatu. Manifestari antifaxistak hurbiltzea eragotzi dute ertzainek.

Prio XXII plazan egin du ekitaldia ultraeskuinak. Plazako sarbideak etengabe zaindu dituzte istiluen aurkako ertzainek. Horrela, Voxen presentziaren kontra protesta egin duten pertsona sartzea eragotzi dute.

Luis Mariano eta Pikoketa kaleetan zenbait edukiontzi gurutzatu dituzte, eta su eman diete. Ertzaintza manifestariei oldartu zaie.

Hau zure interesekoa bada, baliteke beste gai hauek ere izatea
Politika Ertzaintza Bizkaia Gipuzkoa Araba Eusko Legebiltzarra Euskal Autonomia Erkidegoa EAEko hauteskundeak Alderdi politikoak Hautagaiak Eguneko albisteak Albisteak EiTB Focus Hauteskundeak Vox Santiago Abascal Hauteskunde inkestak Euskal Autonomia Erkidegoko emaitzak Ultraeskuineko alderdi politikoak