EAE-ko Hauteskundeak 2024 -

U12

Parte-hartzea % 52,8koa izan da, hauteskunde autonomikoetako inoizko txikiena

Parte-hartzeak 7,2 puntu egin du behera, 2016ko hauteskundeetakoarekin alderatuta.

Pertsona bat botoa ematen Donostiako hautesleku batean. Argazkia: Ane Intsausti | Euskadi Irratia.
Pertsona bat botoa ematen Donostiako hautesleku batean.
Pertsona bat botoa ematen Donostiako hautesleku batean. Argazkia: Ane Intsausti | Euskadi Irratia.

EITB.EUS

Whatsapp Facebook Twitter Telegram Email

Uztailaren 12ko EAEko hauteskundeetako parte-hartzea % 52,8koa izan da, hau da, 7,2 puntu jaitsi da 2016ko bozetakoarekin alderatuta. Inoiz hauteskunde autonomikoetan izandako parte-hartze txikiena izan da.

Hauteskunde deialdia koronabirus pandemiak baldintzatuta etorri da, eta, horren ildotik, ezohiko segurtasun neurriak ezarri behar izan dira hauteslekuetan.

Bozen lehen deialdia, apirilaren 5ekoa, bertan behera utzi behar izan zuten COVID-19aren pandemiagatik.

Beherakada orokorra izan da hiru lurraldeetan. Horrela, Araban boto-emaileen % 50,6k bozkatu dute (9 puntu gutxiago); Bizkaian, % 52,4k (8 puntu gutxiago); eta Gipuzkoan, % 54,5ek (4,8 puntu gutxiago).

Orain arte, parte-hartze txikiena 1994an izan zen. Orduan, hautesleen % 59,6k eman zuten botoa. Handiena, aldiz, 2001ekoa izan zen: % 78,97koa. Duela lau urte, parte-hartzea % 60,02koa izan zen.

Hau zure interesekoa bada, baliteke beste gai hauek ere izatea
Politika Bizkaia Gipuzkoa Araba Eusko Legebiltzarra Euskal Autonomia Erkidegoa EAEko hauteskundeak Alderdi politikoak Hautagaiak Eguneko albisteak Albisteak Hauteskundeak Hauteskunde inkestak Euskal Autonomia Erkidegoko emaitzak