EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

17:15

EAE-ko Hauteskundeak 2020

Arreta-bulego bakarra

EH Bilduk batera artatuko ditu indarkeria mota guztietako biktimak

Erredakzioa

Laura Mintegi EH Bilduko lehendakarigaiak azaldu duenez, hiru izango dira koalizioaren ardatzak: bakea bilatzea, krisiaren aurka borroka egitea eta Euskal Herriko subiranotasunaren alde lan egitea.

  • Laura Mintegi EH Bilduko lehendakarigaia. Argazkia: EFE

    Laura Mintegi EH Bilduko lehendakarigaia. Argazkia: EFE

  • Whatsapp
  • Whatsapp
  • telegram
  • Bidali

"Euskal Herrian hainbat giza-eskubideen urraketak jasan dituzten biktimen" aitorpena jaso du EH Bilduk bere hauteskundeetarako egitarauan. Halaber, "biktimei eskainitako tratu desberdinarekin amaitzea eta hauek artatzeko bulego bakarra" proposatu du.

Laura Mintegi EH Bilduko lehendakarigaia Donostian izandako ekitaldi batean egon da, eta bertan, Euskadiko bakearen eta normalizazio politikoaren inguruko hauteskunde-egitarauaren ardatz nagusiak aurkeztu ditu: bakea bilatzea, krisi ekonomikoaren aurka borroka egitea eta Euskal Herriko subiranotasunaren alde lan egitea. Izan ere, Mintegik azaldu duenez, Euskadik "independentziaren bidean egon behar du".

Lehendakarigaiak iragarri duenez, hauteskundeak irabaziz gero, "giza-eskubideak eta oinarrizko askatasunak kaltetzen dituzten araudiak identifikatzeko institutu bat" sortuko du.

'Une berria'

EH Bilduk aitortu duenez, "ETAk eta Espainiako eta Frantziako Estatuek eragindako indarkeriak biktimak eta lagunengan zauri fisikoak eta psikologikoak sortu dituzte" baina, indarkeria terroristaren amaiera iragartzeko adierazpenaren ostean, "itxaropenaz beteriko garaia zabaldu zaigu".

Mintegik salatu duenez, Espainiako eta Frantziako Gobernuek ez dituzte aurrerapausorik eman. Zentzu honetan, "jazotako indarkeriak aitortzea eta biktimei egindako minari erreparatzea izango dira EH Bilduren konpromiso eta helburu nagusiak".

Ondorioz, "kolpe militarraren eta ondoren izandako errepresio frankistaren biktimak" aitortzearen eta biktimak guztiak berdin artatzearen alde egin nahi du koalizioa.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena