EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

23:18

EAE-ko Hauteskundeak 2020

Taldearen aurkezpena

Mintegi: 'Krisiak independentzia ekonomikoa behar dugula berretsi du'

Erredakzioa

Koalizioak bere gobernu taldea aurkeztu die gune sozial ezberdinetan lan egiten duten pertsonei. EAEko hauteskundeak irabazi gero, besteak beste, justizia propioa eskatuko duela nabarmendu du.

00:41
  • Whatsapp
  • Whatsapp
  • telegram
  • Bidali

EH Bilduk "Euskal Herriaren subiranotasuna" helburu duela azpimarratu du berriro, eta "Espainiako krisi sakonak independentzia ekonomikoa inoiz baino gehiago behar dugula berretsi du", nabarmendu du.

Bilbon egindako ekitaldian, EH Bilduk bere gobernu taldea aurkeztu die hainbat gune sozialetan lan egiten dutenei, erakundeetako ordezkariei, enpresariei, sindikalistei eta hezkuntza arloko arduradunei.

Koalizio abertzaleko ordezkariek tresna eta politika propioak eskatu dituzte berdintasunaren eta zuzentasunaren printzipioetan oinarritutako zerga sistemak bultzatzeko, iruzur fiskalaren aurka "zuzen" jardunez.

Halaber, justizia "autoktonoa, eta naturala" eskatu du. "Ezin dugu onartu euskal herritarrei eragiten dieten gauzak, batik bat eduki politikoari dagokionez, auzitegi ezezagunetara eramatea, zein zentzutan akatsa egiten duten ziurtatzeko", azaldu du.

Kartzela sistema propioa

"Kartzela sistema propioa lortu nahi dugu, preso dauden pertsonen eskubideak eta ohorea bermatzea bilatuz, eta horiek azkar gizarteratzera begira", esan du. Halaber, Ertzaintzan erreforma handia egingo dutela nabarmendu du, "zerbitzuko eta errepresiorik gabeko" Polizia bihurtzeko. Horrez gain, beharrezko kudeaketak egingo dituztela adierazi du euskal lurraldea guztiz "desmilitarizatzeko".

Nazioarteko Harremanei dagokionez, koalizio abertzaleak esan du nazioarteko hitzaldi asko antolatzea proposatuko duela. Besteak beste, Autodeterminazio Eskubideari buruzko Nazioarteko Konferentzia eta "Euskal Herria Europako eskualdea" sortzeko Nazioarteko Konferentzia, "partekatutako subiranotasunaren" printzipioen harira.

Halaber, Kanpo Harremanen Kontseilaritzak Lehendakaritza babestuko duela azaldu du, nazioarteari dagokion guztian "gatazka behin betiko amaitzea" dakarren ekintzetan laguntzeko.

Kanpo-Harremanak izeneko Kontseilaritza Euskal Herriak duen helburu historikoari erantzun nahian sortuko da, hots, beste herri eta kultura batzuekin soberanian oinarritutako egitura batzuk partekatzeko asmoz, elkarrenganako errespetu osoarekin.

I+D+I proiektuari dagokionez, inbertsioa bertako ikertzaileen promoziora bideratzea beharrezkoa dela nabarmendu du, eta "ez hainbeste nazioarteko ikertzaileak kontratatzera", gaineratu du. Ondorioz, "era honetan, geure industria ehuna geroz eta lehiakorragoa izaten lagunduko dugu".

Era berean, eta diasporari dagokionez Gazteriaren Osoko Plan bat garatzea proposatu dute alderdi guztien eskuartzea lagunduz eta bereziki gazteriaren formazio kulturala eta ikasleen trukaketa bultzatuz.

Turismoari dagokionez, "Euskal Herria" herri marka sortzea du helburu EH Bilduk, nazioarteko foro eta azoketan ezaugarri propioarekin azaltzeko asmotan.

Era berean, Turismo Jasangarriaren Osoko Plana garatuko dute. Natura, turismoa, turismo kulturala eta turismo gastronomikoa izango lirateke horren politikaren ardatzak.

Industria-politika

EH Bilduren hitzetan, industria-politikak "ekarpen estrategikoa egin behar du Euskal Herria nazioa eraikitzeko bidean, gizarte justuago eta orekatuago baten norabidean".
Horren haritik, "krisi ekonomiko larriak geure baliabideak hobetzeko hausnarketara eraman digu", azpimarratu du.

Horregatik, inbertsio publikoetarako luzamendua planteatuko du "azpiegitura handietan, estruktura jasangarriak bideratzeko lana sortzera eta zerbitzu publikoak mantentzera".

Osasunaren arloan, 16-2002 Lege Dekretuak bultzatutako osasun erreformaren kanpoko esku hartzea salatu du, "herrialde bezala ezin dugu hori onartu", azaldu du. "Ezin dugu onartu sistema publikoa jasangarria ez den ideia faltsua", gaineratu du.









Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena