Mintegi: 'Lehentasun nagusia lanpostuak sortzea izango da'

Laura Mintegi hurrengo hauteskundeetarako EH Bilduko hautagaiak ziurtatu du koalizioaren lehentasun nagusia "mailakako fiskalitatearen bitartez lanpostuak sortzea" izango dela.

Mintegin Donostian egin ditu adierazpen horiek, Xabier Olano bere hautagaitzako kide eta Gipuzkoako Ogasun zuzendariarekin parte hartu duen mahai-inguru batean.

Mailakako fiskalitatea

EH Bilduko hautagaiak "mailakako fiskalitatearen alde" egin du, "justizia soziala delako koalizio honen programaren ardatz nagusia".

"Nahiz eta Eustat-en datuen % 11ko langabezia daukagula esan, Lanbidek eskainitako azken datuek portzentai hori % 14ra arte igo dela erakusten digute", zehatu du Mintegik. "Guzti hau hondamendi bat da", gaineratu du.

Gizarte zerbitzu unibertsala 2016rako

EH Bilduko hautagaiak "osasun zerbitzu merkeak, kalitatezkoak" eskaintzearen garrantzia nabarmendu du, eta, horren harira, 2016 urterako "dependentzia dutenen zaintzarako gizarte zerbitzu unibertsala sortzea" izango du helburu EH Bilduk.

Hezkuntzari dagokionez, Mintegik "publikoa, dohainezkoa, unibertsala eta irekia" izatea nahi du.

Hautagai abertzaleak jorratu duen beste gai bat etxebizitzaren arazoa izan da. Horren inguruan, "inor bere etxebizitzatik ez kanporatzea izango da gure helburua", azaldu du.