Europako hauteskundeak 2019: maiatzaren 26ko hauteskundeei buruko albisteak | EITB Europako Parlamenturako hauteskundeak

Europakoak 2019

13:20

Europakoak 2019

Europako hauteskundeak

EAJ: 'Espainiak % 30eko langabezia, espekulazioa eta ustelkeria ditu'

Erredakzioa

EAJko eurodiputatuak Euskadiko egoera oso bestelakoa dela adierazi du.

  • Izaskun Bilbao.Argazkia: EiTB

    Izaskun Bilbao.Argazkia: EiTB

  • Whatsapp
  • Whatsapp
  • telegram
  • Bidali

Izaskun Bilbao EAJko eurodiputatuak eta Europako hauteskundeetarako hautagaiak adierazi duenez, "arazo politikoak ez dira beti ezezkoa emanez edota gehiengoaren indarra erabilita konpontzen"; esaterako, Kataluniako arazoa. Bilbaoren iritziz, arazo politikoek "erantzun politikoa" behar dute.

Ortuellan egin duten nekazaritza eta abeltzaintza azokan, Saulo Nebreda alkatearekin izan da ordezkari jeltzalea, eta gogor kritikatu du Espainian dagoen egoera. "% 30eko langabezia, espekulazioa eta ustelkeria daude", adierazi du.

Ildo horretatik, Euskadiko egoera oso bestelakoa dela adierazi du, eta Ortuellako azokak, adibidez,  "ekonomia produktiboa, garapena eta kalitatea" islatzen dituela nabarmendu du.

"Beti ezetz esaten dabiltzanei argi utzi nahi diet hobe luketela arazoak konpontzen saiatzea eta Espainiako irudia hobetzea, % 30eko langabezia, espekulazioa eta ustelkeria arazoak dituzte eta", erantsi du. "Horren aurrean, beste eredu batzuk daude; besteak beste, Euskadikoa. Gure eredua, ekonomia produktiboaren eta industriaren garapenean oinarritzen da, eta horrekin guztiarekin batera gure kultura eta hizkuntza ditugu", esan du.

"Kataluniako auzia"

Kataluniako auzi politikoaren inguruan mintzatu da ere mintzatu da Bilbao, eta arazo politikoek erantzun politikoa behar dutela esan du. "Asteartean ikusiko dugu Kongresuan zer gertatzen den, baina seguruenik ezezkoa jasoko dute. Aitzitik, hau ez da bide zuzena", gaineratu du.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena