Voxek 'Bildu-Sortu-Amaiur-ETA' legez kanpo uzteko prozesua eskatu du

Voxek "Bildu-Sortu-Amaiur-ETA" legez kanpo uzteko prozesua hastea eskatu du. Halaber, Voxek esan du ez duela "lurralde nazionalaren zati bat bera ere" lapurtzea onartuko, "ez terroristek armak erabiliz, ezta legez kanpoko hauteskundeak eginez ere".

Alejo Vidal-Quadras Voxeko presidente eta Europako Parlamentuko hauteskundeetarako alderdiko zerrendaburuak ostegun honetan Donostian Vox alderdiak egin duen aurkezpen-ekitaldian parte hartu du, Santiago Abascal alderdiko idazkari nagusiarekin eta Jose Antonio Ortega Lara bultzatzailearekin batera.

Vidal-Quadrasek egungo autonomien estatuaren "erreforma sakona" babestu du "zailtasunen jatorriari eraso egiteko", eta Matteo Renzi Italiako lehen ministroaz eta Manuel Valls Frantziakoaz aritu da, "Estatuaren aparatua sinplifikatzea eta eskualde kopurua erdira murriztea" proposatu dutelako, "gehiengoak ezkertiarrak izan arren, erremedio egokiak erabiliz zailtasunen jatorriari aurre egin behar zaiela ulertu dutelako".

Horren haritik, Mariano Rajoy Gobernuko presidentea kritikatu du; izan ere, "oraindik ez du hori ulertu". Bestalde, Abascalek eta Ortegak Kataluniaren independentziari buruzko "legez kanpoko" erreferendumari buruz hitz egin dute. Horien esanetan, Vox alderdiak "ez du onartuko lurralde nazionalaren zati bat bera ere lapurtzea, ez terroristek armak erabiliz, ezta Artur Masek legez kanpoko hauteskundeak eginez ere".