Hauteskunde Orokorrak
Kanpainaren amaiera
PSE: 'Alderdi Sozialistak alde handiaz irabazi behar du, Sanchezek gobernatu dezan'
AGENTZIAK | ERREDAKZIOA
Idoia Mendiak azpimarratu du ez dela nahikoa hauteskundeak irabaztearekin: "Pedro Sanchezek gobernatu dezan, PSOEk garaipen handia behar du".
Bideoak (1)
Informazio gehiago (1)
Idoia Mendia PSE-EEko idazkaria nagusiak uste du Alderdi Sozialistak boto uholdea beharko duela azaroaren 11tik aurrera Pedro Sanchez Espainiako Gobernuko presidente izan dadin.
PSE-EEk Bilbon egin du kanpainaren bukaerako ekitaldia. Han izan dira Patxi Lopez, Isabel Celaa eta Odon Elorza Bizkaia, Araba eta Gipuzkoako zerrendaburuak.
Mendiak adierazi du PSOEri ez zaiola nahikoa hauteskundeak irabaztea: "Igandean gobernatzeko beste boto lortu behar ditugu. Hauteskundeak apirilean (orokorrak) eta maiatzean (udal eta foru hauteskundeak) irabazi genituen, baina ez ziguten gobernatzen utzi".
"Progresista guztioi, euskal herritar guztioi, abertzale izan edo ez, Pedro Sanchezek gobernatzea komeni zaigu, bestela Casadok gobernatuko du Voxen babesarekin", erantsi du.
Horrez gain, gainerako alderdiak kritikatu ditu kanpaina honetan PSOEren balizko gobernu bat ez blokeatzeko konpromisorik hartu ez dutelako. "Gobernuan PSOE ez badago, PPk eta Voxek aginduko dute, konfrontaziorako gobernu bat osatuta", ohartarazi du.
