X-eleccionesmunicipalesforales-X -
M-22ko hauteskundeak
1.728.000 pertsona botoa ematera deituta daude, Euskadin
Hauteslekuak 09:00etan ireki eta 20:00etan itxiko dituzte. 2.627 zinegotzi eta 153 batzarkide aukeratuko dituzte. Herrizaingo Sailak 5.700 ertzain erabiliko ditu Segurtasuna bermatzeko.
Erredakzioa
1.728.984 pertsonak botoa emateko eskubidea dute EAEn, igande honetako udal eta foru hauteskundeetan;&' || 'nbsp;hau da, 2007an baino 63.454 gutxiago.
Estatistika Institutu Nazionalaren datuen arabera, Bizkaian 924.805 hautesle daude (2007ko maiatzaren 27ko hauteskundeetan baino 37.228 gutxiago); Gipuzkoan, 557.175 hautesle (24.698 gutxiago) eta Araban 247.004 (1.528 gutxiago).
Hautesle guztien artean, 6.948 atzerrian izen emanda daude.
Udal hauteskundeei dagokienez, Euskadin 2.627 zinegotzi hautatuko dituzte, EAEko 251 udaletan; 112 Bizkaian, 88 Gipuzkoan eta 51 Araban.
Bizkaia da zinegotzi gehien hautatuko dituen herrialdea (1.228), ondoren Gipuzkoa dago (968 zinegotzi) eta azkenik, Araba 431 zinegotzirekin.
Foru hateskundeak: 153 biltzarkide
Foru hauteskundeei dagokienez, EAEko hautesleek 153 biltzarkide hautatuko dituzte.
Bizkaian, Bilboko hauteskunde barrutian 16 biltzarkide hautatuko dituzte, Enkarterrietan 13, Busturian beste 13 eta bederatzi Durangon.
Gipuzkoari dagokionez, Donostialdeakoek 17 biltzarkide hautatuko dituzte, Debako barrutikoek 14, Bidasoakoek 11 eta Oriakoek bederatzi. Azkenik, Araban, Gasteizko hauteskunde barrutian 39 biltzarkide hautatuko dituzte, Aialakoan sei eta zazpi Lurralde Jareetan.
8.298 herritar, 2.766 hauteslekuetan
Igandean 8.298 herritar izango dira Bizkaiko, Gipuzkoako eta Arabako 760 hauteslekuetako 2.766 mahaietan. Beste 16.596 ordezko izendatu dituzte.
Lurraldeka, Bizkaian 344 hautesleku izango dira, 1.474 mahai, 4.422 presidente eta mahaikide eta 8.844 mahaikiderekin.
Gipuzkoan, 2.625 pertsona izango dira 310 hauteslekuetako 875 mahaietan, 5.250 ordezkarirekin. Azkenik Araban, 417 mahai egongo dira 106 hauteslekuetan, 1.251 mahaikide eta 2.502 ordezkorekin.
Herrizaingo Sailak 5.700 ertzain jarriko ditu, hiru lan-txandetan banatuta, hauteskundeetako segurtasuna bermatzeko.
Posta bidezko botoaEAEko 37.768 herritarrek botoa eman dute dagoeneko posta bidez: Araban 4.316 boto jaso dituzte, Gipuzkoan 10.324 eta Bizkaian 23.128, Korreosek komunikatu batean zabaldutakoaren arabera.
Boto horiei ostegunean, maiatzaren 19an, bidalitakoak gehituko zaizkie. Osteguna zen, hain zuzen, hauteskunde-batzordeak botoa postaz bidaltzeko ezarritako azken eguna.
