X-eleccionesmunicipalesforales-X -
M-22ko hauteskundeak
PSEk eutsi Eibarren eta Irunen; Bildu, indartsu udalerri gehienetan
Sozialistek Errenteriako udala galdu dute Bilduren eskuetan. Eak, Alternatibak eta Independenteek osatutako koalizioak gehiengoak lortu ditu, Azpeitian, Zarautzen, Pasaian eta Tolosan, besteak beste.
Erredakzioa
PSE-EEk gehiengoa lortu du Eibarren bederatzi zinegotziekin. Atzetik Bildu, seirekin; EAJk lau lortu ditu eta PPk bi zinegotzi.
PSE/EEk gehiengoa lortu du Irunen, bederatzi zinegotzirekin. Atzetik EAJ, Bildu eta PP, bostekin bakoitza eta EB zinegotzi batekin.
Bildu koalizioak Errenteriako udala kendu dio PSE/EEri, zortzi zinegotzi lortuz eta sozialistak zazpi edilekin utziz. Jarraian EAJk hiru lortu ditu, PPk bi eta EBk bakarra.
Bilduk Tolosan zortzi zinegotzi lortu ditu. Atzetik EAJ, zazpirekin; eta PSE/EE eta Aralar zinegotzi banarekin.
Zarautzen Bilduk lortu du gehiengoa zortzi zinegotzirekin. Jarraian EAJ, seirekin; PSE-EEk hiru lortu ditu, Aralar/EBk bi eta PPk zinegotzi bakarra.
Elgoibarren EAJk eta Bilduk zazpi zinegotzi lortu dituzte. PSE-EE bi izan ditu, eta PPk bakarra.
Andoainen ere Bilduk irabazi du zazpi zinegotzi lortuz. PSE/EEk sei izan ditu; EAJk hiru eta PPk bakarra.
Zumarragan, %47ko zenbaketarekin, PSOEk zortzi zinegotzi lortu ditu; Bilduk bost, EAJk hiru eta PPk bakarra.
Azpeitian Bilduk gehiengoa lortu du hamaika zinegotziekin. Atzetik EAJk bostekin eta Hamaikabateko zinegotzia.
EAJk, zazpi zinegotzi lortu ditu Hondarribian. Jarraian Bildu bostekin, PSE/EEk bi; eta Hamaikabat, PP eta Aralar bana.
Bilduk gehiengoa lortu du Zumaian sei zinegotziekin. Jarraian EAJk bost lortu ditu, eta PSE/EEk eta Aralarrek bakarra.