"Ez dugu etsiko, badakigu Araba leku hobea izan daitekeela", defendatu du David Rodriguez Arabako ahaldun nagusirako Elkarrekin Podemos-EB-Aliantza Berdearen hautagaiak.
Udal eta foru hauteskundeetako Podemos, Ezker Anitza eta Aliantza Berdea alderdien arteko akordioaren garrantzia azpimarratu du David Rodriguez Arabako ahaldun nagusirako Elkarrekin Podemos-EB-Aliantza Berdearen hautagaiak, horren esanetan, "horrela bakarrik posible izango baita EAJ eta PSE erakundeetatik botako dituen ezkerreko alternatiba indartsu bat eraikitzea".
Leticia Jimenez Aiaraldeko hauteskunde-zerrendaburua eta Juan Manuel San Juan Lur Jareeko hauteskunde-zerrendaburua aurkezteko ekitaldian izan da Rodriguez. Koalizioaren "militanteekin egitaraua eraikitzeko dinamika parte-hartzaile batekin" bukatu dute ekitaldia.
"Ez dugu etsiko, badakigu Araba leku hobea izan daitekeela, baina beharrezkoa da gizarte zibilarekin ere lan egitea", defendatu du ahaldungaiak.