Alaves
Fitxaketa
Alavesek Ander Guevara fitxatu du datozen lau denboraldietarako
EITB Media
Erdilari gasteiztarrak Arabako taldearekin sinatu du kontratua 2027ko ekainaren 30era arte, Reala utzi ostean.
-
Ander Guevara, Realarekin, Valentziaren aurkako partida baten. Argazkia: EFE
Alavesek Ander Guevara fitxatu du datozen lau denboraldietarako, klubak igande honetan, uztailaren 9an jakinarazi duenez. Gasteizko erdilariak kontratua sinatu du Arabako taldearekin 2027ko ekainaren 30era arte.
Guevarak (Gasteiz, 1997/7/7) 100 partida baino gehiago jokatu ditu profesional mailan, eta esperientzia du Europa Ligan ere. Gainera, 2019-2020ko Errege Kopako txapeldun izan zen Realarekin.
Guztira, hamaika urte eman ditu Realean. Gazte mailetatik pasa ostean, lehen taldera iristea lortu zuen. Orain, Ander Guevara bere hiriko taldera itzuli da Alavesi mailari eusteko laguntzeko helburuarekin.
