Athletic Club
Mundiala prestatzeko
Williams, Yeray, Nuñez eta Oyarzabal deitu ditu Lopeteguik Espainiarekin entrenatzeko
Erredakzioa
Athleticeko hiru jokalari eta Realeko futbolaria Espainiako selekzioaren Munduko Txapelketarako prestaketan egongo dira maiatzaren 28tik aurrera.
-
Iñaki Williams, dEspainia-Serbia partidan. Argazkia: EFE
Julen Lopetegui Espainiako futbol selekzioko hautatzaileak zazpi jokalari deitu ditu Munduko Txapelketarako prestakuntza faseko lehen txanpan taldeari laguntzeko entrenamenduetan. Zazpi jokalari horietatik, lau dira euskaldunak; Athleticeko Yeray Alvarez, Unai Nuñez eta Iñaki Williams, eta Realeko Mikel Oyarzabal.
Athleticeko hiru jokalariez eta Realeko futbolariaz gain, Jesus Vallejo (Real Madril), Carlos Soler (Valentzia) eta Rodrigo Hernandez (Vila-real) jokalariak ere deitu ditu Lopeteguik. Zazpi jokalari hauek, Mundialerako deialdian dauden beste jokalariekin elkartuko dira maiatzaren 28an, 18:30ean, Las Rozaseko (Madril) Futbolaren Hirian. Larunbatean Txapeldunen Ligako finala jokatuko duten Real Madrileko jokalariak beranduago elkartuko dira kontzentarziora.
