Itxi

2021/11/17

19:20

Athletic Club

Atzertutako partidak

Real Madril - Athletic partida abenduaren 1ean jokatuko da; Vila-realen eta Alavesen artekoa, hilaren 21ean

EITB Media

Santander Ligak laugarren eta bederatzigarren jardunaldietan atzeratu zituen neurketen datak eta ordutegiak finkatu ditu. Gainera, Athleticen eta Real Madrilen arteko 21. jardunaldiko partida aurreratu egin du, eta abenduaren 22an jokatuko da.

  • Real Madril - Athletic Club

    2020-2021 denboraldiko Real Madril - Athletic Club partidako irudia. Argazkia: EFE

  • Whatsapp
  • Whatsapp
  • Telegram
  • Bidali

Santander Ligak asteazken honetan jakinarazi ditu laugarren eta bederatzigarren jardunaldietan atzeratzea erabaki zituen partiden datak eta ordutegiak. Hego Amerikako selekzioetako jokalariek Munduko Txapelketarako sailkapen faseko neurketak jokatzen zituztenez, jokalari hegoamerikarrei atsedena emateko atzeratu zituen neurketa horiek LaLigak.

Ondorioz, bederatzigarren jardunaldiari dagokion Real Madril - Athletic Club partida abenduaren 1ean jokatuko da, 21:00etan, Santiago Bernabeun. Gainera, LaLigak erabaki du 21. jardunaldiko Athletic Club - Real Madril neurketa abenduaren 22ra (21:30ean, San Mamesen) aurreratzea.

Bestalde, laugarren jardunaldiari dagokion Vila-realen eta Alavesen arteko norgehiagoka abenduaren 21ean jokatuko da, 19:00etan, Ceramica estadioan.

Santander Ligan atzeratu ziren 4. eta 9. jardunaldietako partiden datak eta ordutegiak:

Abenduak 1, asteazkena (9. jardunaldia)

Real Madril - Athletic Club (21:00etan)

Abenduak 21, asteartea (4. jardunaldia)

Vila-real - Alavés (19:00etan)

Sevilla - Bartzelona (21:30ean)

Abenduak 22, asteazkena (21. jardunaldia, aurreratutako neurketa)

Athletic Club - Real Madril (21:30ean)

Abenduak 22, asteazkena (9. jardunaldia)

Granada - Atletico Madril (19:00etan)

  • Bisitatuena

      Kargatzen ikusiena
      Kargatzen ikusiena
    ;