Athletic Club
Lesioa
Dani Garcia, pubalgiak jota; Athleticek ez du zehaztu noiz itzuliko den lanera
EITB Media
Athleticeko erdilariak berregokitze funtzionala eta tratamendu espezifikoa uztartzen dituen tratamenduari ekin dio lesioa gainditzeko, eta prozesua talde-lanetik kanpo eramango du aurrera.
-
Dani Garcia (Athletic Club), Atletico Madrilen aurkako Superkopako partidan. Argazkia: EFE
Dani Garcia Athleticeko jokalaria pubalgiak jota da, ostegun honetan (martxoak 10) klubak jakinarazi duenez. Bilboko taldeko medikuek ez dute zehartu erdilaria noiz itzuliko den lanera.
Talde zuri-gorriko futbolariak "berregokitze funtzionala eta tratamendu espezifikoa uztartzen dituen tratamenduari ekin dio lesioa gainditzeko. Prozesua talde-lanetik kanpo eramango du aurrera", adierazi du Athleticek.
Iñigo Martinez ere min hartuta da. Ondarroakoak (Bizkaia) gainkarga du eskuin hankako muskulu iskiosuralean. Bestalde, Julen Agirrezabala ez dago jokatzeko prest; atezainak bihurritu arina du ezkerreko lepauztaiko akromio-artikulazioan.
