De Marcosek kontratua berritu du Athleticekin denboraldi batez

EITB Media

Publikatuta: 2024/05/19 21:10 (UTC+2) Azken eguneratzea: 2024/05/19 22:41 (UTC+2)

Oscar De Marcosek 2025eko ekainaren 30era arte luzatu du talde zuri-gorriarekin lotzen duen kontratua. Horrenbestez, Arabako jokalariak beste denboraldi bat emango du Bilboko taldean.

3:39

Whatsapp
Whatsapp
telegram
twitt
Bidali
Esteka kopiatu

Albisteak (3)

Athleticek Sevilla menderatu du (2-0), Raul Garciak eta Muniainek gola sartuta, eta bosgarren amaituko du Liga
Valverdek 2025era arte jarraituko du Athleticen
Athleticek Balaidosen galdu du, Celta aurkari (2-1), eta Txapeldunen Liga jokatzeko aukerarik gabe gelditu da

Bideoak (1)

Oscar de Marcos: ''Denbora behar izan dut; uste dut, kirol ikuspegitik, ekarpena egin ahal dudala, ondo nago''

Oscar De Marcosek kontratua berritu du Athleticekin 2025eko ekainaren 30era arte. Hala jakinarazi du klubak talde zuri-gorriak Sevillaren aurka garaipena bereganatu (2-0) ostean, EA Sports Ligako 37. jardunaldiko partida amaituta.

De Marcos 2009-2010 denboraldian iritsi zen Athleticera, 20 urterekin, eta 14 urte bete ditu talde zuri-gorrian. Denboraldi honetan Errege Kopa irabazi du, eta bere palmaresean bi Espainiako Superkopa ere baditu.

Guardiakoa (Araba) taldean jarraitu ala ez pentsatzen aritu da, aurreko denboraldian bezala; azkenean, jarraitzea erabaki du. Beraz, kolore zuri-gorriak defendatuko ditu 2024-2025 denboraldian ere. Athleticek lau txapelketa jokatuko ditu datorren sasoian: Liga, Espainiako Superkopa, Europa Liga eta Errege Kopa.