Osasuna
Asteazkenean, 22:00etan
Osasunak garaipena behar du Rayoren aurka
Erredakzioa
Gorritxoek salbazioa lortzeko lehian aurkari zuzena den Madrilgo taldearen aurka jokatuko dute asteazken honetan, 22:00etan.
-
Osasunako jokalariak Sadarren sartutako gol bat ospatzen. Argazkia. EFE
Osasunak Rayo Vallecanoren aurka jokatuko du asteazken honetan Sadarren (22:00etan), eta gorritxoek garaipena behar dute jaitsiera postuetatik irteteko. Rayok ere garaipenaren beharra du, nahiz eta Paco Jemezek zuzentzen duen taldea jaitsiera postuetatik at dagoen.
Javi Graciak aldaketak egin beharko ditu hamaikakoan, Nino, Sisi, Armenteros eta Damia bajan baitaude. Bestalde, Cejudok dagoeneko bete du Lehiaketa Batzordeak jarri zion hiru partidako zigorra, eta hasierako hamaikakoan egoteko aukera asko ditu.
Rayo Vallecanok ere garaipena lortzeko beharrizana du. Iragan jardunaldian jipoia jaso zuen Valladoliden eskutik (0-3), eta hiru puntuak lortu nahi dituzte. Defentsako lerroan huts asko egiten ditu Rayok, eta hori hobetu nahi du Jemezek zuzentzen duen taldeak.
Ustezko hamaikakoak:
Osasuna: Andres; Marc Bertran, Loties, Arribas, Joan Oriol; Silva, Lolo; De las Cuevas, Torres, Cejudo; eta Oriol Riera.
Rayo Vallecano: Ruben; Tito, Galvez, Saul, Arbilla; Trashorras, Adrian; Lass, Jonathan Viera, Iago Falque; eta Larrivey edo Bueno.
Epailea: Ayza Gamez.
Zelaia: Sadar.
Ordua: 22:00etan.
