Osasuna
Igoera playoffa
Osasuna-Girona, Lehen Mailara igotzeko lehen urratsa
Erredakzioa
Gaur jokatuko dute bi talde hauek igoera playoffetako finaleko joaneko partida, 20:00etan, Sadarren.
Osasunak eta Gironak gaur jokatuko dute Lehen Mailara igoera lortzeko playoffetako finaleko joaneko partida, 20:00etan, Sadarren. Gorritxoek azken bi urteetan inoiz ez diote Gironari irabazi Adelante Ligan.
Enrique Martin Monreal entrenatzaileak ohiko hamaikakoa atera zuen Nasticen aurkako kanporaketan eta badirudi Gironaren aurka ere hamaikakoa errepikatuko duela. Ninok ia ez zuen parte hartu finalerdietako kanporaketan familiako arazo bategatik, baina azken kanporaketa hau jokatzeko prest egon daiteke.
Girona, bestalde, hiru eguneko atsedenarekin soilik iritsiko da Iruñeara. Pablo Machin entrenatzaileak jokalari guztiak sartu ditu deialdian, lesionatuta dagoen Carles Mas izan ezik.
Ustezko hamaikakoak:
Osasuna: Nauzet; Oier, Tano, Miguel Flaño, David Garcia, Javier Flaño; Manuel, Merino, Roberto Torres, De las Cuevas; eta Kenan Kodro.
Girona: Becerra, Maffeo, Kiko Olivas, Richy, Lejeune, Clerc, Pere Pons, Granell, Borja, Cristian Herrera eta Sobrino.
Epailea: Munuera Montero.
Zelaia: Sadar.
Ordua: 20.00.
