Itxi

2020/10/04

15:57

Osasuna

5. JARDUNALDIA

Osasunak denboraldiko lehen garaipena lortu du Sadarren (2-0)

ERREDAKZIOA

Gorritxoen golegileak Facundo Roncaglia eta Jonathan Calleri izan dira.

0
Osasuna – Celta partidako laburpena eta gol guztiak
  • Whatsapp
  • Whatsapp
  • Telegram
  • Bidali

Osasunak denboraldiko lehen garaipena lortu du Sadarren Celtaren aurka (2-0), Santander LaLigako 5. jardunaldian. Gorritxoen golegileak Facundo Roncaglia eta Jonathan Calleri izan dira.

Osasuna partidaren jaun eta jabe izan da hasiera-hasieratik. Izan ere, gorritxoek erasoari ekin diote partida hasi eta minutu gutxira.

Horrela, 23. minutuan Facundo Roncaglia atzelariak area kanpotik egindako jaurtiketa bikain batekin lehen gola lortu du gorritxoentzat (1-0).

Bigarren zatiaren amaieran, Roncagliak berak egindako erdiraketak Callerik burukatuko zuen area txikian amaierako bi eta hutsekoa ezarriz.

Horrenbestez, Osasunak lehen garaipena lortu du Sadarren, aurtengo denboraldian, eta 6 punturekin dira LaLiga Santanderren.

Fitxa teknikoa

2 – Osasuna: Sergio Herrera; Roncaglia, Unai García (Adrián, 90. min), David García, Íñigo Pérez; Rubén García, Oier (Nacho Vidal, 83. min), Torró, Kike Barja (Jony, 64. min); Calleri, Enric Gallego (Moncayola, 64. min)

0 – Celta: Villar; Mallo, Aidoo, Murillo, Olaza; Baeza (Mor, 60. min), Okay, Tapia (Mina, 73. min), Denis; Aspas, Nolito (Rodríguez, 81. min).

Golak: Roncaglia, 1-0 (23. min). Calleri, 2-0 (76. min).

Epailea: De Burgos Bengoetxea. Txartel horiak: Oier, Ruben Garcia eta David Garcia (Osasuna); Tapia, Murillo eta Miguel Rodriguez (Celta).

  • Bisitatuena

      Kargatzen ikusiena
      Kargatzen ikusiena
    ;