Futbola
Premier League
Fulhamek oiloak ditu, asteroko emaitza 'igartzen' saiatzeko
Erredakzioa
Fernando Amorebietaren hurrengo taldea izango omen denak sistema bitxia erabiltzen du emaitzak iragartzen saiatzeko: oilo erruleak. Aste honetan bertan Arsenalen kontrako porrota iragarri dute.
Fulham taldean, futbolariez gain, bada mundu osoan ospea lortu duen beste izakirik: oiloak. Izan ere, Fernando Amorebietaren hurrengo taldeak oiloen taldetxo bat dauka astero Fulhamen partiden emaitza igartzen saiatzeko. Oiloen iragarpena Fulhamen web ofizialean publikatzen dute neurketa bakoitzaren atarian.
Oiloek Hegoafrikako munduko futbol txapelketako Paul olagarroaren antzeko ospea lortu dute iragan apirilean 'lanean' hasi zirenetik.
Klubeko arduradunek, gainera, dena ondo pentsatuta daukate. Oiloen mantenua animaliek beraiek ordaintzen dute astean 90 arrautza jarrita.
