Futbola
Bartzelona-Real Madril
Xavi: 'Klasikoko emaitzak ez du ezer erabakita utziko'
Erredakzioa
Bartzelonako jokalariak 'Klasikoa' jokatzeko prest daudela azaldu du, eta garaipena taldearentzat oso garrantzitsua izango litzatekeela onartu du.
-
Xavi Hernandez. Argazkia: EFE
Xavi Hernandez Bartzelonako jokalariak igandean Real Madrilen aurkako norgehiagoka irabaztea soilik dutela buruan azaldu du. Kataluniako taldeak moral gehiago eta konfiantza hartzeko hiru puntuak oso garrantzitsuak direla onartu du.
"Garaipenean eta taldean pentsatzen dugu soilik, Real Madrilentzat golpe gogorra izango litzateke, eta ligan gure zazpigarren garaipena jarraian eskuratzeko abagunea dugu. 11 puntuko aldea lortzea oso garrantzitsua izan daiteke, eta ez gaude Real Madrilen aldagelan gertatzen diren kontuetan pentsatzen", esan du Bartzelonako erdilariak.
"Garaipenarekin alde garrantzitsua eskuratu dezakegu, eta moral kolpea izango litzateke. Hala ere, liga luzea da, eta edozer gauza gerta liteke", azaldu du Xavi Hernandezek.
