Publizitatea
Itxi

2021/03/22

20:55

Reala

KOPAKO FINALA

Realak Gipuzkoako herrietako banderak eramango ditu Sevillako finalera

AGETZIAK | EITB MEDIA

Realaren autobus ofiziala Gipuzkoan barrena ibiliko da aste honetan, bertako herri guztietako banderak jasotzeko.

  • Realaren autobusa Eibarreko bandera jasotzen.

    Realaren autobusa Eibarreko bandera jasotzen. Argazkia: Real Sociedad

  • Whatsapp
  • Whatsapp
  • Telegram
  • Bidali

Realaren autobus ofizialak Gipuzkoatik barrena ibiliko da aste honetan, eta herri bakoitzeko banderak jasoko ditu, talde txuri-urdinarekin batera Sevillara bidaia dezaten, eta apirilaren 3an Athleticen aurkako Kopako finalean presente egon daitezen.

Era horretan, eta Donostiako taldeak ohar baten bidez jakitera eman duenaren arabera, bandera horiek taldea lagunduko dute "partidaren aurreko orduetan".

Ibilbidea astelehen honetan hasi da Irunen, eta ostiralean amaituko da Donostiako Udaletxera eta Gipuzkoako Foru Aldundira egingo dituzten bisitekin.

"Ez da zalerik egongo harmailetan, baina Reala ez da bakarrik egongo Sevillan", dio aipatu oharrak. "Gipuzkoa eta bere herriak Sevillan ere ordezkatuta egongo dira, partidaren aurreko orduetan taldeak bere jende guztia hurbil senti dezan", azpimarratzen du.

"Reala Gipuzkoa da eta bertako txoko guztiak, eta elkarrekin egon nahi dugu, modu sinbolikoan bada ere, apirilaren 3ko finalean". 

Horrez gain, Realak hitzartuta dituen klubak ere aintzat hartu ditu. “Reala Reala bada, neurri handi batean, hitzartutako klubei esker da. Egindako lan bikaina eskertzeko, taldearekin lotura duten 89 klubei finala ospatzeko bandera emango zaie. Gipuzkoa, hitzartutako klubak… denok osatzen dugu familia txuri-urdin handia eta elkarrekin bizi nahi dugu final handi hau”, esanez bukatzen da oharra.

  • Bisitatuena

      Kargatzen ikusiena
      Kargatzen ikusiena