Txapeldunen Liga
3-1 galdu ondoren
Guardiola (Inter-Bartzelona): "Mourinho ez dut hizpide izango"
Erredakzioa
Bartzelonako entrenatzaileak Barçak bere taldeak galdu dituen baloi kopuru handia porrotaren gakoa izan dela esan du, eta Mourinhoren inguruan hitz bakar bat ere ez duela egingo gaineratu du.
Josep&' || 'nbsp;Guardiola Bartzelonaren entrenatzaileak bere taldeak galdutako baloiek eragin dituzten kontraerasoez damutu da eta ez du hitzik egin nahi izan Interren entrenatzaileari buruz.
Entrenatzaile portugaldarrak Guardiolari keinuak egin dizkio partidan zehar, Guardiolak epaileari protesta egin ostean.
Guardiolak tentsio handiko partida izan dela onartu du eta Mourinhok ez duela bere onetik aterako gaineratu.&' || 'nbsp;"Aspalditik ezagutzen dut eta segundo bat ere ez dut erabiliko berari buruz hitz egiteko.&' || 'nbsp;Entrenatzaile ona da", esan du katalanak ironia apur batekin.
"Klub handia gara eta ume askorentzat erreferente. Ez dut afera honetan parte hartu nahi", gaineratu du Guardiolak.
Partidaren inguruan katalanek baloiaren kontrola ez dutela eduki esan du. "Baloi asko galdu ditugu eta bagenekien Interrek horiexek aprobetxatuko zituela. Itzulikoan saiatuko gara (datorren asteazkenean 20:45ean&' || 'nbsp;Camp&' || 'nbsp;Noun -ETB-1en eta eitb.com-en).
