Frantziako Tourra 2023

Seigarren etapa

Saganek Greipeli irabazi dio esprintean

Erredakzioa

Azken eguneratzea: 2012/07/06 18:59 (UTC+2)

Frank Schleckek bi minutu baino gehiago galdu ditu helmugan 24 kilometrora jaso den erorikoak kaltetu diolako. Astarlozak eta Txurrukak Tourra utzi behar izan dute eroriko berdinaren ondorioz.

• Orria entzun Orria entzun

02:10

• Whatsapp
• Whatsapp
• telegram
• twitt
• Bidali
• Esteka kopiatu

Aurtengo Tourrean hirugarren garaipena du Saganek. Fabian Cancellara (RadioShack) suitzarrak lasterketako liderra izaten jarraitzen du. Alejandro Valverdek (Movistar) eta Frank Schleckek (RadioShack) bi minutu baino gehiago galdu dituzte helmugan, eroriko baten ondorioz.

Sagan azkarrena izan da istripuz beteriko etapa honetan. Eslovakiako txirrindulariak erorikoak saihestu ditu, baina bere bi arerio nagusiek ez dute zorte bera izan.

Andre Greipel (Lotto) alemaniarra bi aldiz erori da, eta Mark Cavendish atzeratu egin da, helmugarako 24 kilometro falta zirela eroriko bat izan delako tropelan.

Eroriko nagusia

Azken eroriko horrek faborito batzuk kaltetu ditu, besteak beste, Franck Schleck (RadioShack), Ryder Hesjedal (Garmin), Robert Gesink eta Valverde.

Luxenburgoko eta Espainiako txirrindulariak 2:09ko atzerapenarekin helmugaratu dira. Tropel nagusian Bradley Wiggins (Sky), Cadel Evans (BMC) eta Samuel Sanchez (Euskatel) heldu dira eta ez dute denborarik galdu.

Hala ere, etapak hasiera lasaia izan du, aste osoan bezalaxe. Irteera eman eta berehala David Zabriskie (Garmin), Davide Malacarne (Europcar), Romain Zingle (Cofidis) eta Karsten Kroon (Saxo Bank) txirrindulariek ihesaldia osatu dute, baina tropelak ez die utzi garaipena jokatzen.

Seigarren etapako sailkapena:

1. SAGAN Peter LIQUIGAS-CANNONDALE 04h 37' 00''
2. GREIPEL Andre LOTTO-BELISOL TEAM + 00' 00''
3. GOSS Matthew Harley ORICA GREENEDGE + 00' 00''
4. VAN HUMMEL Kenny Robert VACANSOLEIL-DCM + 00' 00''
5. HAEDO Juan Jose TEAM SAXO BANK-TINKOFF BANK + 00' 00''
6. HENDERSON Gregory LOTTO-BELISOL TEAM + 00' 00''
7. PETACCHI Alessandro LAMPRE - ISD + 00' 00''
8. PAOLINI Luca KATUSHA TEAM + 00' 00''
9. IMPEY Daryl ORICA GREENEDGE + 00' 00''
10.LANCASTER Brett Daniel ORICA GREENEDGE + 00' 04''

Sailkapen nagusia:

1 Fabian CANCELLARA RNT 29:22:36
2 Bradley WIGGINS SKY 7
3 Sylvain CHAVANEL OPQ 7
4 Tejay VAN GARDEREN BMC 10
5 Denis MENCHOV KAT 13
6 Cadel EVANS BMC 17
7 Vincenzo NIBALI LIQ 18
8 Peter SAGAN LIQ 19
9 Andreas KLÖDEN RNT 19
10 Maxime MONFORT RNT 22