Espetxeak

Gutxienez 41 emakume hil dira eta beste zazpi zauritu Hondurasko hiriburutik gertu dagoen Gizarte Egokitzapenerako Emakumeen Zentroan izandako liskar eta sute batean. Hori dela eta, agintariek espetxe horretan berehala esku hartzeko agindua eman dute.

Espetxeak milioi bat euro baino gehiago inbertitu ditu bere instalazioak berritzeko. Lanek irauten duten bitartean, 44 preso lekualdatuko dituzte aldi baterako inguruko beste espetxe batzuetara.

Aukerak Gizarte eta Laneratzeko erakundearen bitartez antolatutako argazkigintza tailerrean parte hartu ondoren Arabako espetxeko lau lagunen argazkiak aukeratu ditu GetxoPhotoko epaimahaiak. Itziar Etxebarria Aukerakeko arduradunak azaldu ditu nondik norakoak Egun On Euskadi saioan.

Orain 11 urte "terrorismoa amaitu" izanak ekarri du presoen sakabanaketaren amaiera, Denis Itxaso Espainiako Gobernuak EAEn duen ordezkariaren arabera. Orain, "elkarbizitzaren eta memoriaren"ordua dela esan du, eta presoen etxeratzea aldarrikatzeari ez dio bidezkoa irizten. 

Ziklo baten amaieraz hitz egin dute gaur Sare eta Etxerat presoen aldeko plataformek. 34 urteren ondoren amaitu da dispertsioa eta horrek senideei eragindako sufrimendua, eta horren balorazioa egin dute. Euskal presoei legedi arrunta aplikatzeko eta salbuespenezkoa desagertzeko deia egin dute.

Eusko Jaurlaritzako bozeramailearen hitzetan, "indarkeriaren amaieraren aldeko etengabeko lana egin dute azken urteetan Jaurlaritzak eta lehendakariak, eta horren ondorio logikoa da" sakabanaketaren bukaera.

Zigorraren zati batzuk baliogabetuz kartzelara ez joatea eskatu du Alfredo De Miguelek, eta Aitor Telleriak, aldiz, zigor osoaren indultua eta gaixotasun bat izatea arrazoituz ez kartzelaratzea. Indultuak Espainiako justizia ministerioak aztertu behar ditu.

De Miguel kasuko lau auzipetu nagusiak hasi dira auzitegiaren jakinarazpenak jasotzen. 10 egun eman dizkiete kartzelaratze agindua jaso eta kartzelan sartzeko. Hala ere, erreguzko errekurtsoa aurkeztuz gero egun batzuk atzeratu ditzakete.

Irekita dagoen ikerketan, epaitegiaren esku geratuko da informazio guztia, gertatutakoa argitu dadin. Senideen arabera, gazteak buru-osasuneko arazo larria izan arren, espetxeak ez zuen ezarri suizidioen aurkako protokolorik.

Sarek, presoen eskubideen aldeko plataformak, urteko biltzarra egin du Astigarragan. Azkenaldian izaten ari diren hirugarren graduen erregresioekin kezkatuta, erronka ETAko presoei aplikatzen zaien salbuespeneko espetxe politikarekin amaitzea dela esan dute.

ETBren kolaboratzaile den Bruno Carvalho kazetariaren eskutik, Errusiaren kontra borrokatu zuten preso ukrainarrekin izan gara. Erreportajea, osorik, 14:00etan ETB1eko Gaur Egun albistegian.

Errugbiaren baloreak presoen gizarteratzean laguntzeko erabiltzea. Horixe zuen helburu duela 7 urte Arabako kartzelan abian jarri zen ekimenak. Gaztedi Errugby Taldea entrenamenduak antolatzen hasi zen presoekin, eta gaur egun arrakasta handia duela esan digute.  

Tarnosen, Landetan, eta Baionatik oso gertu dagoen etxaldea da eta bertan birgizarteratze proiektu berritzailea dago martxan. Helburua da emakumeek lan egiten ikastea eta prestakuntza-proiektu batean parte hartzea, libre direnean lan bat eta etxebizitza bat izan ditzaten.