Lekeitio

Aitor Elordik mendean hartu du Mikel Urrutikoetxea 22-11ko emaitzarekin Buruz Buruko Txapelketako final-zortzirenetako kanporaketan. Beraz, Binakako txapeldunak final-laurdenetako ligaxka jokatuko du.

Endika Uriondok pilotako bere ibilbide profesionaleko azken partida jokatu zuen apirilaren 7an Lekeition. Peña II.arekin bikotea osatuta irabazi egin zuen Alberdi II.aren eta Imazen aurka, 22-17ko emaitzarekin. Zaleen babesa jaso zuen bizkaitarrak.

Kantuz sortu zen, kantuz bizi izan zen eta kantuz gogoratuko dugu Euken Ostolaza. Horretarako bere lagun eta abeslari den Ana Elorza izan da gurekin.

Lekeitioko zinemazaleek argi daukate aktore onenaren sariak Brendan Fraserrentzat eta Kate Blanchettentzat izango direla.

Miren Gojenola, Asier Hernandez aktoreak eta Agurtzane Intxaurraga zuzendaria izan ditugu gurean. "Toto" antzezlanaren parte dira hirurak eta hori aurkeztera etorri dira. (Elkarrizketa osoa Nahieran)

Ana Goitia lekeitiarra moda munduko profesionala, kazetaria eta telebistako aurkezlea da. Baina ez hori bakarrik lodifobiaren aurrean planto egiteagatik da ezaguna eta horri buruz aritu da gaur Iñigo Antsorregirekin.

Pandemiaren ondorioz, 2020. urterako triatleta gisa zituen helburuak bertan behera geratu zitzaizkion Ander Okamikari. Hala, txirrindulari gisa hastea erabaki zuen: amateur moduan lehenik, eta profesional mailan ondoren.

Euskal idazle erraldoi bat izan da gurekin, Miren Agur Meabe. 'Elurraren Promesa' izan da kaleratu duen azken liburua eta honi buruzko xehetasunak eman dizkigu.

Euskaraldiarekin bat eginez, euskararen erabilera sustatzeko ekimen berezia jarri dute martxan Lekeition. Ikastolatik kanpo erdara hutsean bizi diren umeek ere euskara bere egin dezaten, euskaraz bizi diren familiek astebetez etxean hartzen dituzte. Alde onak, halere, hizkuntzatik haratago doaz.

Lekittarrak maila gorenari eustea lortu du play-offean. Osertz Aldai Lekeitioko taldeko entrenatzaile eta arraunlariak EITB Mediarekin hitz egin du azken estropadetako balantzea egiteko.

Samertolameuk irabazi du Portugaleteko estropada. Gauzak horrela, Lekittarra eta Semartolameu Eusko Label Ligan arituko dira hurrengo urtean.

Bermeoko uretan jokatu da play-offeko lehen jardunaldia. Bertan nagusitu dira Lekittarra eta Tolosaldea. Samertolameu bigarren izan da gizonezkoen txandan. Bihar, irailak 18, Portugaleteko uretan erabakiko da play-offa.

Eusko Label Ligako play-offeko lehen jardunaldia irabazi du Lekittarrak. Iñaki Goikeotxea patroiak estropadaren eta play-offaren inguruko iritzia eman du EITB Mediako kameren aurrean.

Lekittarra, Samertolameu, Bueu, San Pedro eta Pedreña datorren denboraldian Eusko Label Ligan aritzeko lehiatu dira Bermeoko uretan play-offetako lehen jardunaldian. Lekeitioko trainerua izan da azkarrena, eta Samertolameu gutxigatik nagusitu zaio Bueuri.

Lekittarrak Eusko Label Ligan mantentzea du helburu datorren asteburuan, irailaren 17 eta 18an jokatuko duen playoffean. Osertz Aldai entrenatzaileak taldeak dena ematea nahi du.

2022ko Antzar Eguna historiarako geratuko da. Hiru urteko itxaronaldiaren ostean, erabat arrakastatsua izan zen. Gaur herria garbitzea tokatzen da eta asko dagoeneko hasiko ziren hurrengo urtekoan pentsatzen.

Historian lehen aldiz, bizkaitar herriko jai nagusian ez dago aurretik hil egindako animaliarik; guztiak dira plastikozkoak.

Gaur milaka lagun hurbilduko dira Lekeitiora Antzar Egunaz gozatzeko. Agintariek garraio publikoa erabiltzeko deia egiten diete bisitariei, herriko sarrera-irteerak itxita egongo dira eta.

Astelehen honetan itzuliko da Antzar Eguna, berrikuntza handi batekin, gainera. Historian lehenengo aldiz, ez da hezur-haragizko antzararik izango; aldiz, guztiak polimerozkoak izango dira.

Orduko erregimen frankistaren bertsio ofizialak istilu armatu bat izan zela esan bazuen ere, Jaurlaritzaren balorazio batzordeak ikertu eta ondorioztatu berri duenez, "exekuzio estrajudizial" baten zantzu garbiak daude, eta polizia abusuei buruzko legearen arabera, biktimatzat aitortu ditu.