2025-26ko UEFA Europa Liga

Juan Mari Aburto Bilboko alkateak arrakastatsutzat jo du ekitaldia eta eskerrak eman dizkio Bilboko zein Bizkaiko herritarrei Europa Ligako finalaren antolakuntzak eragindako gorabeheren aurrean izandako jarrera onagatik.

Tottenham Hotspur 2024-25 denboraldiko Europako Ligako txapeldun da, asteazken honetan, San Mamesen, txapelketako finalean, Manchester Unitedi 1-0 irabazita. 90 minutuak amaitutakoan, batzuen irribarreak besteen malkoekin nahastu dira.

55.000 jarraitzaile ingeles eta mundu osoko dozenaka komunikabide hartu ditu Bilbok. Partidaren aurreko orduak normaltasun osoz eta jai giroan igaro dira.

Tottenham eta Manchester United taldeen jarraitzaileak estadioko ateak ireki eta berehala hasi dira San Mames betetzen; inork ez zuen final handia galdu nahi. Hona hemen 17:00etatik 21:00etara arteko time-lapse bideoa.

Bi talde ingelesen jarraitzaile gehienak zaletuen guneetatik joan dira San Mamesera arratsaldean zehar: Unitedenak, Etxebarria parketik, eta Tottenhamenenak, berriz, Ametzola parketik.

Tottenham eta Manchester Uniteden zaleak bat egiten dabiltza estadiora sartzeko, ateak berberak baitira bi taldeen zaleentzako. Oraingoz, giro ona da nagusi, eta ez da gorabehera aipagarririk izan.

Imanol Pradales Arriaga Antzokiko plazan izan da Basque Legends taldea animatzeko, UEFA Legends taldearen aurka jokatu duten lagunarteko partidan. Pradales lehendakaria Gaizka Toquero "lehendakariarekin" elkartu da bertan.

Bilboko San Mames futbol zelaiak Tottenhamen eta Manchester Uniteden arteko Europa Ligako finala hartuko du asteazken honetan, eta horrek nazioarteko futbol munduaren ikusmiran jarriko du Bizkaiko hiriburua.

Gorka Iraizoz, Carlos Martinez, Mikel Balenziaga, Beñat Etxebarria, Xabi Prieto, Markel Susaeta eta Gaizka Toquero futbolari ohiek osatu dute Basque Legends taldea.

Zaletuentzako 'fan zone' guneak irekita daude dagoeneko. Manchester Uniteden zaleena Etxebarria parkean jarri dute, eta Tottenhamen zaleena, Ametzola parkean.

Ibilgailuak ezin dira Sabino Arana kalera sartu. Oinezkoentzako pasabideak eta segurtasun hesiak jarrita daude. Ertzaintza eta udaltzaingoa ingurua zaintzen ari dira eta boluntarioak ere badabiltza kalean gidariei eta oinezkoei informazioa ematen.

Donostian eta Gasteizen ostatu hartu duten milaka zale britainiarrek Bilborako autobusak hartu dituzte dagoeneko, Europa Ligako finaleko partidaren aurretik eguna bertan igarotzeko.

Gaur, 282 hegaldi daude aurreikusita Bilboko aireportuan. Egunotako hegaldi kopurua aireportuko historiako handienetako bat da. Goizeko lehen ordutik taxiak hartzeko ilara luze samarra da, eta Bizkaibusek aireporturako linea indartu du.

Bingen Zupiria Eusko Jaurlaritzako Segurtasun sailburuak nabarmendu duenez, Ertzaintzak, Udaltzaingoak eta Athleticek "ahalegin handia" egin behar izan dute Europa Ligako finalari aurre egiteko. Izan ere, aurreikusitakoaren arabera, 50.000 zalek beteko dute estadioa, eta kanpoan 20.000 ibiliko dira.

Gutxienez bi semaforo puskatu dituzte, eta garaikur gisa ingurukoen orroen aurrean erakutsi. 20:30ak inguruan gertatu da, zaleek kalea guztiz hartuta zutela. Bengalak ere jaurti dituzte.

Manchester United eta Tottenham Hotspur taldeen arteko Europa Ligako finala dela eta, dozenaka zale britainiarrek istiluak eragin dituzte Donostiako Alde Zaharrean.

Europa Ligako finalaren bezperan giroa aparta izan da Bilbon. Asteartean 195 hegaldi iritsi ziren Bilboko Aireportura, eta gaur, berriz, 282. Egunotako hegaldi kopurua aireportuko historiako handienetako bat da.

Euskaraldian gauden honetan, Janire Fragua EITB Mediako kazetariak, San Mamesen, Europa Ligako finalaren bezperan, euskaraz egin dio galdera bat Bruno Fernandes Manchester Uniteden kapitainari. Jokalari portugaldarra ulertzen ahalegindu da, baina itzultzaileak ez dio aukera eman.

Dagoeneko milaka zale heldu dira Bizkaiko hiriburura bihar Manchester Uniteden eta Tottenhamen arteko Europa Ligako finalaz gozatzeko. Eguraldia lagun, festarako gogo handiz dabiltza ingelesak.

Bilboko hotelen prezio garestiak ikusita, Bizkaiko hiriburura autokarabanan bidaiatzea erabaki dute zale ingeles batzuek. Beste batzuk, aldiz, hegazkinez etorri dira eta hemen alokatu dute autokarabana, bertan lo egiteko.

Europa Ligako finalari begira, autoak ezingo dira sartu Bilboko kale batzutara, moztuta egongo dira eta. Kontsultatu, hemen, zein kaletan eta noiztik izango diren mozketa horiek.

Manchester United eta Tottenhamen zale andanak Gipuzkoako eta Arabako hiriburuetan hartu dute ostatu egunotan. Bilboko hotelen prezio altuen ondorioz, jarraitzaile askok beste probintzia batzuetan bilatu behar izan dute ostatu.

Ertzaintzaren helikoptero bat San Mames ingurua zaintzen aritu da eguerdian. Gaur amaitu dute bertan finala telebistaz emateko unitate mugikorrak instalatzen. Bestalde, inguruko tabernak hasi dira garagardo txorrotak kalera ateratzen.

Fernando Llorente futbolari ohiak EITB Mediarekin hitz egin du Europa Ligako finalari buruz. Adierazi du pena ematen diola Athletic finalean ez ikusteak, eta gaineratu du nahi duela Tottenhamek Manchester United menderatzea.

Tottenhamen eta Manchester Uniteden dozenaka zale hasi dira Loiuko aireportura iristen, terminaleko korridoreak zuri, gorri eta urdinez tindatuta. Hitzordu historiko ahaztezina bizitzeko prestatzen ari da hiria.