Bigarrenak
Arkume marinatua salmorejo erara
Arbendolak eta ogia oliotan frijitu, eta almaiz batean sartu. Ezkaia, erromeroa, kuminoa, baratxuria, perrexila, piperrautsa, pipermina, txorizo-piper mamia eta ardo zuria gehitu, eta pasta bat egin; oliba olio pixka bat gehitu. Arkume zati bakoitza gazitu, eta pasta horrekin igurtzi, eta beratzen utzi. Ondoren, oliotan gorritu, eta olioarekin konfitatzen jarri bigundu arte. Epelean erreserbatu.
Dilista kiribil eta leka entsalada
Dilista kiribilak egosi. Lekak zatituta salteatu. Beste osagaiak moztu, eta ontzi batean elkartu osagai guztiak. Ozpina, arbendolak, olioa eta gatza almaizean txikitu entsalada goxatzeko.
Patata apurtua
Patatak zuritu, eta egosi. Ontzi batean sartu, eta beste osagaiekin elkartu, eta sardexka baten laguntzarekin zanpatu.
Bukaera
Plater batean, patata apurtua jarri. Gainean, arkume zatiak ipini, eta saltsarekin gozatu. Ondoan, entsalada jarri.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa