Bitxikeriak -
Gertaera
Bruselara zihoan belgikar batek Zagreben amaitu du GPSaren erruz
Poliziak herritar baten deia jaso zuen, ama (67 urte ditu) desagertu zitzaiola esanez. Dirudienez, etxetik irten zen, Bruselara ezagun baten bila joateko.
Erredakzioa
Emakume batek (67 urte ditu) 1.450 kilometro egin ditu Erquelinnes (Belgika) herri txikitik Kroaziako hiribururaino, Bruselara joan nahi zuenean GPSak gidatuta, Metro Belgikako egunkariak astelehen honetan jakitera eman duenez.
Poliziak herritar baten deia jaso zuen, ama desagertu zitzaiola esanez. Dirudienez, etxetik irten zen, Bruselara ezagun baten bila joateko eta ez zen itzuli.
Sabine Moreauren semeak Poliziari ama goizeko lehen orduan Erquelinneseko etxetik irten zela jakinarazi zuen, Belgika mendebaldean, haren neska-laguna jasotzeko asmoarekin Bruselako Ipar-geltokian. Ibilbidea 32 kilometrokoa zen, 40 minutu baino gutxiagokoa.
Halere, hasiera batean gauza erraza zirudiena Europatik bira osoa bilakatu zen, eta emakumea Belgikatik, Alemaniak eta Kroaziatik ibili zen, bere helmugatik aldendu zela ohartu gabe.
"Trafiko-seinaleak ikusi nituen frantsesez eta alemanez. Koloniatik, Akisgranetik, Frankfurtetik... pasatu nintzen, baina ez nuen galderarik egin. Azeleragailua zapaldu eta gidatzen jarraitu nuen", azaldu du emakumeak.
Hamabi ordu geroago eta deskantsatzeko hainbat geldialdi egin ostean, Sabine Moreau dagoeneko "Belgikan ez" zegoela konturatu zen, Zagreben zegoenean, Bruselatik 1.450 kilometrora.