Michelle Obama, dantzarako dohainak erakusten

Michelle Obamak audientzia konkistatu du, beste behin. Joan den igandean Oscarretako galan parte hartu eta Argo Pelikula Onena zela iragarri ostean, AEBetako lehen damak dantzari bikaina dela erakutsi du.

AEBetako lehen dama ABC katearen "Late Night With Jimmy Fallon" saioan izan da eta aurkezlearekin "Evolution of Dance" bideoaren parodia egin du. "Evolution of Mom Dancing" izeneko bideoan, lehen dama eta saioaren aurkezlea, besteak beste, Uma Thurmanen eta John Travoltaren Pulp Fiction pelikulako dantza egiten agertzen dira.

Michelle Obamaren eta Jimmy Fallonen dantzaren bideoak 45 milioi bisita baino gehiago izan ditu YouTuben.