Bitxikeriak -
Zergatia aztertzen ari dira
'Mozkortutako' loroen euria, Australiako iparraldean
Bertoko egunkariek adierazi dute animaliek koordinazioa galtzen dutela eta erdi lo gelditzen direla. Medikuek jaso ostean, "ajea" pasa behar dute hegaztiek kaioletan.
Erredakzioa
Mozkortuta daudela dirudi, baina adituek ez dakite zergatia. Australiako iparraldeko Palmerton hirian loroak zuhaitzetatik erortzen ari dira. Gertakari bitxi hau urtero gertatzen omen da Australiako herrialde horretan, baina aurten ugariagoa omen da.
Bertoko egunkariek adierazi dute animaliek koordinazioa galtzen dutela eta erdi lo gelditzen direla. Medikuek jaso ostean, "ajea" pasa behar dute hegaztiek kaioletan.
Adituak ez datoz bat zergatia erabakitzerakoan. Izan ere, intoxikazio bat den arren, ez dakite landare batek edo birus batek eragiten duen.
Lisa Hansen Palmertoneko albaitari-ospitaleko kirurgialarietako batek azaldu du "mozkortutako loroak" lorategietara eta errepideetara erortzen ari direla eta kasu batzuetan zainketa intentsiboa behar izaten dutela.