Bitxikeriak -
Herbehereak
Etxean muntatzeko zerraldo bat jarri dute salgai
Produktua eskatzen dutenek taula batzuk eta osagarriak jasoko dituzte etxean, Ikeako altzari bat izango balitz bezala.
Erredakzioa
Ikeako altzari bat bailitzan, Herbehereetako enpresa batek etxean muntatzeko zerraldo bat jarri du salgai. Erosleak materiala, kolorea eta heldulekuak aukeratu ahal izango ditu eta zerraldoak legeak ezarritako baldintza guztiak betetzen ditu.
Produktu hori eskatzen dutenek taula batzuk eta osagarriak jasoko dituzte etxean.
Duela bi urte sortu zen etxean muntatzeko zerraldo bat merkaturatzearen ideia, Capulus enpresako arduradunek negozioa egiteko aukera ikusi zutenean.
"Denbora eta energia asko xahutu dugu zerraldo bat moldatu eta etxean muntatzeko modukoa egiten", enpresaren zuzendariak jakitera eman duenez.
Datorren larunbatean aurkeztuko dute produktu berritzaile hori Sint Pancrasen.