Bitxikeriak -
Aireratu eta 15 minutura
Aireportura bueltatu da, hegazti baten kontra talka egin ondoren
Horrez gain, igandean Valentzia-New York ibilbidea egin behar zuen hegazkin bat Barajasera eraman zuten, kaio batekin talka egin ondoren. Antza, hegaztiak hegazkinaren motorea apurtu egin zuen.
Erredakzioa
Ryanair enpresako hegazkin bat Barajaseko aireportura bueltatu behar izan da aireratu eta 15 minutura, hegazti baten kontra talka egin ondoren.
Gertakaria birritan errepikatu da azken egunotan. Izan ere, iragan ostiralean Air Europako hegazkin bati antzeko zerbait gertatu zitzaion: Lanzarotera bidean zihoala belatz baten kontra talka egin, eta Madrilgo aireportura bueltatu zen.
Horrez gain, igandean Valentzia-New York ibilbidea egin behar zuen hegazkin bat Barajasera eraman zuten, kaio batekin talka egin ondoren. Antza, hegaztiak hegazkinaren motorea apurtu egin zuen.
Gaurko gertaeraren ondoren, Ryanair-ek beste hegazkin bat aireratuko du bidaiariak eramateko.