Bitxikeriak -
Australian
Krokodilo baten erasotik ozta-ozta atera da bizirik
Gizon batek bost metroko krokodilo baten gainean esertzea erabaki zuen laztandu nahi zuelako, eta narrastiak hankan koska egiten erantzun zuen.
Erredakzioa
Australiako zoo batean 36 urte dituen gizon bat bizirik atera zen krokodilo baten erasotik. Mozkor zegoelako taberna batetik bota eta gero, ipar-mendebaldean dagoen Broome Crocodile Park-era joatea erabaki zuen.
Heldu eta gero, alkoholaren efektuen eraginpean bost metroko narrastiaren kaiolan sartzea erabaki zuen haren gainean esertzeko, laztandu nahi zuelako. Narrastiak gizonaren hankan koska egiten erantzun zuen. Gero askatu eta gizonak kaiolatik ateratzeko aukera izan zuen.
Roger Haynes sarjentuaren esanetan, "krokodilo hauek behin koska egin ondoren inor ez askatzeagatik dira ezagunak eta zorte handia izan du bizirik ateratzen".
Erasoaren ostean, gizona ospitalera eraman zuten eta ebakuntza egin zioten.