Kupoiak arraspatzen zituen saridunak gordetzeko

Murtziako Auzitegi Gorenak ONCE elkartearen saltzaile baten bidezko iraizpena baieztatu du. Izan ere, langileak kupoietako barra-kodeak begiratzen zituen eta, ondoren, sarituak gorde eta saririk ez zutenak saltzen zituen.

Epaileak ez du langileak aurkeztutako helegitea onartu. Izan ere, joan den martxoan epaitegi batek saltzaileak aurkeztutako demanda ukatu zuen eta bidezko iraizpena izan zela adierazi zuen.

Epaitegiak esan du gertakaria iraizpenaren arrazoiak bezero batek aurkeztutako salaketa baten ostean egindako ikerketa batean argitu direla. Bezeroak erositako kupoiak arraspatuta omen zeuden.

Horrez gain, "frogatutako gertakariek barra-kodea begiratu ostean, langileak saririk ez zuten kupoiak bakarrik saldu eta sarituak gordetzen zituela frogatzen dute".

"Bederatzi kupoien balioa txikia izan arren, egindako hutsegitearen larritasuna ezin da txikitu".