Bitxikeriak -
Jokalaria eta modeloa
Osasunako Nelson, Cristiano Ronaldoren konpetentzia?
Iruñara Betis taldetik heldu berria, kameren aurrean duen arrakasta berdegunean ere lortu beharko du Nelsonek. Modelo lanak ere egin dituela argi erakusten du bere webgunean.
A.I.
Nelson Augusto Tomar Ramos Osasunaren fitxaketa berria indartsu heldu da Iruñara Betis taldetik, ahalik eta garaipen gehien lortzeko asmoarekin. Kameren aurrean, behintzat,ondo moldatzen dela erakutsi du; berdegunean nola aritzen den ikusibeharko dugu orain.
&' || 'nbsp;nelson22.com jokalariaren webgune pertsonalak orain arte egindako ibilbide profesionala erakusten du, baina ez futbolari lotutakoa bakarrik. Hainbat marketako arropak jantzi ditu portugaldarrak, eta argi utzi du kamerak ''maite'' duela. Gainera, beste hainbat datu ere ematen ditu portugaldarrak bertan.
Hip hop-a eta reggaea maite ditu, abentura filmak ikusten ditu, bakailaoa gustatzen zaio, eta ''Porche''ak ere bai -''Cayenne''a batez ere-. Zazpi neba-arrebetatik gazteena da, Bob Marley eta Jesu Kristo tatuatu ditu sorbaldetan, eta Dani Alves da bere jokalaririk gustokoena.
Betisetik etorri da Nelson, eta Camacho konbentzitu beharko du orain, hamaikakoan toki bat izan nahi badu. 2005ean Benfican aritu ziren elkarrekin jokalaria eta entrenatzailea. Aldagelan ere lagun zahar bat izango du Cabo Verdekoak: Damia katalana Sevillako taldean ezagutu zuen, eta beraien bizitzek berriro egin dute topo, Osasunan oraingoan.
